Имсти́чово, Імстичово — село в бывшом Иршавском районѣ (од року 2020 в Хустском) Закарпатской области Украины, на лѣвом березѣ рѣкы Боржава, оддалене о од Иршавы.Тронько П. Администрация Імстичівська сільська рада 90134, Закарпатська обл.,Хустський р-н, с. Імстичово, вул. Центральна, 57
Од року 2020 входить до Бѣлковской громады.
Етимология назвы Назва славянского походжѣня, правдоподобно, од апелатива мѣстич (варощан, мѣстскый обыватель), або од властного имени того ж походжѣня, на што указуе тыж присвойный наросток -ово.Sebestyén Zsolt, с. 98.
История Перва исторична упоминка о селѣ датована роком 1351.Федака С.
16. юна 1654 обыватель Улашин в тестаментѣ одказав свою землю про монастырь, котрый монастырь пак быв основаный в року 1661 епископом Йоанникием Зейканом, тутешным родаком. В року 1748 там были лем три монахы, але в року 1772 епископ Бачинскый инициовав выставбу теперишного монастыря, а в року 1798 завершили выставбу мурованой Михайловской церкви и парохиалной церкви Рождества Богородицѣ. В року 1839 село обывали 847, а в року 1879 уже 1357 особ. З той добы ся заховала сельска печать, на котрой зображеный лев-сабляш.
В року 1910 належало ку Верховинскому округу ( Felvidéki járás) жупы Берег, ай мало 1863 обывательох русинской и мадярской народности, желѣзничну заставку, пошту и телеграф в Бѣлках.Révai nagy lexikona
В року 1930 зоз 2038 обывательох села были: Русины — 1906, Евреи — 124, Чехы и Словаци — 5, Мадяре — 1, чужоземцѣ — 2. Грекокатолицка парохия мала 1865 вѣрникы и муровану церкву Грекокатолицкый монастырь ЧСВВ (1773) мав муровану монастырску (1798). Село мало русинску школу (5 клас). Фунговала узкоколейна желѣзниця, и в селѣ была заставка.Достал Я., с. 76.
В року 1969 в селѣ быв 2701 обыватель. Село мало дружство («земледѣлска бригада колгоспу «За нове життя»»), котрому придѣлили землѣ, з того ораницѣ; културны инштитуции были: восямрочна, зачаточна ай вечерня середня школы, школа з интернатом, библиотека, клуб.
Вызнамны родаци Петро Свѣтлик (1901–1973), подкарпатскый педагог и културный дѣятель. Иван Мурник (1945–1968), совѣтскый солдат, солдат КГБ (1965–1968) и участник придушѣня Пражской яри. Йоанникий Зейкан (?—1686), закладатель тутешного монастыря, епископ Мукачовской Епархии.
Жерела и одказы Miszticze //Révai nagy lexikona. 13. köt. Révai Testvérek Irodalmi Intézet Részvénytársaság, Budapest. 1915. С. 805. Sebestyén Zsolt: Bereg megye helységneveinek etimológiai szótára Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Федака, Сергій. Населені пункти і райони Закарпаття. Історично-географічний довідник. "Ліра". Ужгород, 2014. С. 92. Тронько П.: Імстичеве //Історія міст і сіл України. Том 7. Закарпатська область. К. 1969. Сс. 336 – 337.
Референции
Катеґорія:Населены пункты Украины Катеґорія:Населены пункты Закарпатской области