Буштино — мѣстечко (од 1957) в Тячовском районѣ Закарпатской области Украины. Административа Администрация до року 2020Облікова картка Буштинська селищна рада 90556, Закарпатська обл., Тячівський р-н, смт. Буштино, вул. Головна, 91 тел. 03134 6-04-44
Од року 2020 створена Буштинска громада, в котрой ку Буштину прилучили 8 околичных сел.
Полога Лежить при вливѣ Тереблѣ в Тису, на сѣвер од верьхох Вигорлат-Гутинского пасма, о на запад од районного центру Тячово. Через Буштино бѣгне автодорога ай желѣзниця .Міщенко С. О.
Етимология назвы Правдоподобно, же назва походить од румынского властного ймена Bustea.Sebestyén Zsolt, с. 34.
История Перва исторична упоминка датована роком 1373. По поражцѣ повстаня куруцох (1711) зачав ся приток нѣмецкых колонистох, створившых во выходной части готаря колонию Буштинскый Гандал, котра стала ся центром розвою промысла и ремесел.Копинець Д. Обывателѣ в значной мѣрѣ жили з транспортованя соли и дерева до мадярской низины, покля прокладена ту в року 1872 желѣзниця им тот заробок не одняла. Безроботя на переломѣ стороч было причинов значной миграции переважно да США и Канады, при котрой значна часть людей не вернула ся.
В року 1910 Буштино, Bustyaháza , належало ку Тячовскому округу (Técsői járás) жупы Мараморош и мало 2053 обывательох русинской, нѣмецкой и мадярской народности; пожычкову кооперативу, желѣзничну штацию, пошту и телеграф.Révai nagy lexikona
В року 1930 (чехословацка доба) Буштино мало 2793 обывателѣ, з них 1814 Русины, 767 Евреи, 79 Чехы и Словаци, 59 Мадяре, 40 Нѣмцѣ, 7 — иншы, 27 — чужоземцѣ. Буштинскый Гандал мав 703 обывателѣ, з них 240 Евреи, 178 Мадяре, 128 Русины, 116 Чехы и Словаци, 11 Нѣмцѣ, 1 — иншый, 29 — чужоземцѣ. Село мало державны: нотарскый уряд, пошту, телеграф, телефон, жандарску станицю, лѣсорозробну дирекцию; школы: русинска (6 клас), чешска (5 клас) мадярска (1 класа).Достал Я., с. 227. Промысловы и газдовскы объекты: електрарня, велика державна пилярска фабрика, бензинпумпа, великый модерный млин, ферма на годовлю буволох.
17. марца 1939 в село вступило мадярске войско, обновивши стару границю Мадярского кральовства. Были репресованы активисты Карпатской Украины и комунисты. Коли в септембрѣ 1939 войско СССР забрало выходну Галичину и стало на мадярской граници, 42 обывателѣ Буштина, повѣровавши совѣтской пропагандѣ, утѣкли до УССР и были там репресованы; майже половка з них не пережила лагры и наступно войну.
22. октобра 1944 з приходом Червеной армады зачала ся украинска доба истории Буштина. На базѣ лѣсорозробной дирекции створеный лѣсокомбинат намного росширив асортимент продукции, од року 1955 зачали правити и бутор. Лѣсокомбинат став ся не лем найвекшым роботодательом (2400 замѣстнаных), але тыж реализовав великы социалны програмы. В року 1962 была на територии створена минизоо, де были представлены около 30 видох живины. Быв створеный музей лѣсоруба, взятый под дозор и утриманя дендропарк з понад 120 видами рѣдкостных ростлин (1969), отвореный санаторий лѣсокомбинату и дѣтскый табор Тиса (1970), котрый зыскав славу «Закарпатского Артека» и принимав рекреантох не лем з цѣлого СССР, але и з Чехословакии, Мадярщины, Румынии. В року 1984 середня школа Буштина достала новый модерный будинок про 1200 ученикох и 100 педагогох.
Днешность По року 1991 вельо з того, чим ся пышило Буштино, упадать. Ку выможеностям днешной добы належить герб и прапор, затверджены в року 2002, и 11 выбудованых церков.Юрій Лівак
Окрем традичного хоснованя богатств лѣсу од року 2022 ведуть роботы, жебы зачати копаня соли з мѣстного найдища.
Вызнамны родаци Василь Комендарь (1926–2015), ученый-биолог, активный охранитель екологии Карпат
Жерела и одказы Bustyaháza //Révai nagy lexikona. 4. köt. Révai Testvérek Irodalmi Intézet Részvénytársaság, Budapest. 1912. С. 140. Sebestyén Zsolt. Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Копинець, Дмитро: Селище Буштино вчора і сьогодні. 2007 Одчитане 2021-03-15
Міщенко С. О.: Буштина // Історія міст і сіл України. Закарпатська область / Тронько П. и др. (ред.) — К. 1969. Облікова картка Буштино на сайтѣ Верховной рады Украины
Референции
Катеґорія:Населены пункты Украины Катеґорія:Населены пункты Закарпатской области