Еммануи́л Гра́барь, Эммануи́л Ива́нович Граба́рь, , Требушаны, Мадярске кральовство – †1910, Российска империя — русинскый сполоченскый дѣятель, посланець парламента, зять Адолфа Добрянского, отець российскых правника Владимира и маляря Игоря Грабарьох.Bona Gábor
Биография Молоды рокыПоходив з родины грекокатолицкого священика Яноша Грабаря и Юлии Грабарь, родж. Гаджега. Учив ся на гимназии в Кошицях. В роках 1848–1849 служив в мадярском войску, закончив службу в шаржи поручника в Мукачовѣ. Од року 1850 штудовав право и зыскав фах адвоката. В року 1863 оженив ся з Олгов Добрянсков.
Посланецка чиннностьЕммануил Грабарь в року 1869 быв выбраный за посланця до мадярского парламента од Верховинского округа жупы Мараморош, де остро выступовав против политикы помадярчѣня в Угорской Руси, котру зачала в мадярска влада, подтримована епископом Штефаном Панковичом. Быв он неявным фактичным выдавательом сатиричной новинкы Сова, котра без всякой мѣры нападала штатну и церковну владу. Еммануил Грабарь гледав подтримку ай на меджинародном полю: в Московском славянском комитетѣ и тѣсно контактовав з российскым дипломатом во Вѣдню .М. Алмаший, И Поп
ЕмиграцияНе маючи широкой подтримкы од домашной сполочности, програв конфронтацию з владов и в року 1871 вымушеный быв емигровати раз до сосѣдной Италии, де за три рокы быв домашным учительом дѣти российского промысловця Демидова, князя Сан Донато, пак на далшы три рокы ишов з нима до Парижу, а в року 1876 одышов до России, наконець настало оселив ся в России ай з родинов (1880). По прибытю ту выбрав собѣ намѣсто правничой службы педагогичну, склав испыт при Московском учебном округу на гимназиалного професора нѣмецкого и французского языка и достав мѣсто на прогимназии в Егорьевску Рязанской губернии.Игорь Грабарь, с. 17. В року 1882 Эммануил Грабарь попросив мѣсто гимназиалного професора на югу России и достав го в Измаилу.Игорь Грабарь, с. 28.
Жерела и одказы
М. Алмаший, И Поп: Грабарь Эммануил //Поп, Иван. Энциклопедия Подкарпатской Руси. — Ужгород: Изд-во В. Падяка, 2001. — 431 с. С. 144
Референции
Категория:Правници Категория:Педаґоґы Катеґорія:Посланцьове парламента