Глу́шкавіцкі сельсавет — адміністрацыйна-тэрытарыяльная адзінка ў складзе Лельчыцкага раёна Гомельскай вобласці. Цэнтр і адзіны населены пункт — аграгарадок (да 2009 г. — вёска) Глушкавічы.
Утвораны 20 жніўня 1924 года як Глушкевіцкі сельсавет у складзе Лельчыцкага раёна Мазырскай акругі БССР. Цэнтр — вёска Глушкевічы. Пасля скасавання акруговай сістэмы 26 ліпеня 1930 года ў Лельчыцкім раёне БССР. З 21 чэрвеня 1935 года ў Лельчыцкім раёне Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. З 25 снежня 1962 года па 6 студзеня 1965 года ў Мазырскім раёне. 17 снежня 2004 года перайменаваны ў Глушкавіцкі, а цэнтр — у ГлушкавічыПералік змененых назваў геаграфічных аб’ектаў Беларусі за 1997—2008 гг. .
Насельніцтва сельсавета паводле перапісу 2009 года — 2101 чалавекКолькасць насельніцтва населеных пунктаў Гомельскай вобласці Беларусі паводле перапісу 2009 года, з іх 97,2 % — беларусы, 2,0 % — украінцы; паводле перапісу 2019 года — 1839 чалавекКолькасць насельніцтва населеных пунктаў Гомельскай вобласці Беларусі паводле перапісу 2019 года.
Літаратура Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
Катэгорыя:Сельсаветы Беларусі, утвораныя ў 1924 годзе Катэгорыя:Былыя сельсаветы Мазырскага раёна