Наступленне ў Шах Валі Кот — аперацыя войскаў ISAF падчас вайны ў Афганістане, якая праводзілася аўстралійскім кантынгентам міжнароднай кааліцыі сумесна з Афганскай Нацыянальнай Арміяй, пры паветранай падтрымцы амерыканскай авіяцыі, з 10 па 14 чэрвеня 2010 года. Аперацыя праходзіла ў раёне Шах Валі Кот правінцыі Кандагар.
Перадумовы Наступленне ў Шах Валі Кот было накіравана супраць сіл Талібану ў рэгіёне і была падрыхтавана войскамі ISAF, якія імкнуліся забяспечыць бяспеку ў правінцыі Кандагар. У аперацыі прымалі ўдзел аўстралійскія спецпадраздзяленні і салдаты Афганскай Нацыянальнай Арміяй, падтрыманыя вайсковымі верталётамі ЗША.
Ход аперацыі Аўстралійскія камандас 2-га дыверсійнага палка пачалі аперацыю 10 чэрвеня, аднак пазней іх падтрымалі падраздзяленні SASR, так як баевікі пачалі контратаку. Барацьба была асабліва інтэнсіўнай у другі дзень аперацыі, калі ў аўстралійскіх і афганскіх салдат адкрылі агонь талібы падчас іх высадкі з верталётаў. Пасля пяці дзён баёў паўстанцы пакінулі раён.
Пасля аперацыі прадстаўнік ISAF заявіў, што ў баях удзельнічала больш за 100 баевікоў. Камандуючы аўстралійскімі сіламі на Блізкім Усходзе, генерал-маёр Джон Кэнтвел, заявіў, што аперацыя «нанесла моцны ўдар па паўстанцкім сілам і ўнесла вялікі ўклад у забеспячэнне бяспекі сіл ISAF, засяроджаных у правінцыі Кандагар і суседніх раёнах» і таксама павысіць бяспеку ў правінцыі Урузган. Падчас аперацыі аўстралійскія войскі захапілі вялікую колькасць зброі ў якасці трафеяў.
Вынікі Міністэрства абароны Аўстраліі сцвярджала, што падчас аперацыі знішчана «значная колькасць паўстанцаў», але не прадаставіла канкрэтных даных. Адзін аўстралійскі салдат і адзін афганскі салдат былі паранены варожым агнём падчас аперацыі, таксама некалькі верталётаў былі пашкоджаныя. Прадстаўнік ISAF заявіў, што ні адна грамадзянская асоба не была паранена падчас аперацыі.
Пазней, падчас далейшых аперацый у рэгіёне, 21 чэрвеня, пацярпеў крушэнне верталёт ЗША UH-60 на поўначы правінцыі Кандагар. Загінулі 3 аўстралійскіх камандас і амерыканскі пілот, сем аўстралійцаў і амерыканскі член экіпажа былі сур’ёзна паранены .
Катэгорыя:Бітвы паводле алфавіта Катэгорыя:Бітвы Аўстраліі Катэгорыя:Бітвы ЗША Катэгорыя:Канфлікты 2010 года Катэгорыя:2010 год у Афганістане Катэгорыя:Вайна ў Афганістане (2001—2021)