Аляксей Мікалаевіч Крастоўнікаў (; — Крестовников Алексей Николаевич // Спорт-страна.ру ) — расійскі і савецкі вучоны, фізіёлаг, доктар медыцынскіх навук, прафесар, загадчык кафедры фізіялогіі Ленінградскага інстытута фізічнай культуры (1927—1955 гг.), Член-карэспандэнт Акадэміі медыцынскіх навук СССР (1953).
Біяграфія У 1912 годзе завяршыў навучанне на фізіка-матэматычным факультэце Маскоўскага дзяржаўнага ўніверсітэта. У 1923 годзе паспяхова скончыў Першы Ленінградскі медыцынскі інстытут.
З 1913 года пачаў сваю працоўную дзейнасць у лабараторыі І. П. Паўлава. У 1919 годзе пачаў працаваць асістэнтам кафедры фізіялогіі Ленінградскага інстытута фізічнай культуры, на той момант кафедру ўзначальваў Л. А. Арбелі. У 1927 годзе прысвоена навуковае званне — прафесар. Прызначаны загадчыкам кафедры фізіялогіі Ленінградскага інстытута фізічнай культуры. Адначасова працаваў на пасадзе намесніка дырэктара Ленінградскага навукова-даследчага інстытута фізічнай культуры (1931—1941 гг.).
З’яўляецца аўтарам больш за 200 навуковых прац. Аналізаваў і вывучаў ўплыў фізічных практыкаванняў на функцыі фізіялагічных сістэм арганізма, а таксама на раскрыццё складаных умоўнарэфлекторных сувязяў у працэсе спартыўнай трэніроўкі. Ён распрацаваў методыку эксперыментальнага вывучэння рухальнага, глядзельнага і вестыбулярнага аналізатараў пры занятках спортам і фізічнымі практыкаваннямі. З’яўляецца аўтарам самых першых у Расіі манаграфій і падручнікаў па фізіялогіі фізічных практыкаванняў. У гады Вялікай Айчыннай вайны вывучаў пытанні тэорыі і методыкі лячэбнай фізкультуры, праводзіў працу па арганізацыі лячэбнай фізкультуры ў шпіталях.
Літаратура Санкт-Петербург. Петроград. Ленинград: Энциклопедический справочник / Ред. коллегия: Белова Л. Н., Булдаков Г. Н., Дегтярев А. Я. и др. — М.: научное издательство «Большая Российская Энциклопедия». 1992. — 687 с.; ил. — ISBN 5-85270-037-1 Миротворцев Ю. К. КРЕСТОВНИКОВ Алексей Николаевич // Большая Медицинская Энциклопедия (БМЭ) / под редакцией Петровского Б. В., 3-е издание. — Т. 11.
Спасылкі Крестовников Алексей Николаевич // Спорт-страна.ру
Катэгорыя:Фізіёлагі СССР Катэгорыя:Аўтары падручнікаў