Шчаслівы гандляр () — папулярная антысеміцкая карыкатура, інтэрнэт-мем. Малюнак часта з’яўляецца на такіх сайтах, як 4chan, Reddit і X, дзе нярэдка выкарыстоўваецца ў ненавісніцкіх або зневажальных кантэкстах.
Мем падтрымлівае ідэю, што яўрэі арганізавалі змову для заваёвы міруPerry, Marvin, and Frederick M. Schweitzer.Antisemitic Myths: a Historical and Contemporary Anthology. Bloomington, IN: Indiana University Press, 2008. .
Паходжанне Выява была створана карыкатурыстам Нікам Бугасам пад псеўданімам A. Wyatt Mann (гульня слоў — «A White Man», «Белы чалавек»). Выява была часткай карыкатуры, якая таксама ўключала расісцкі вобраз чарнаскурага чалавека і перадавала заклік: «Давайце паглядзім праўдзе ў вочы! Свет без яўрэяў і чарнаскурых быў бы падобны да свету без пацукоў і прусакоў» (). Карыкатура была ўпершыню выпушчана ў друкаваным выглядзе; у сетцы з’явілася ў лютым 2001 года.
Стэрэатыпны вобраз габрэя з карыкатуры пачаў распаўсюджвацца ў розных інтэрнэт-супольнасцях, дзе карыстальнікі стваралі яго варыяцыі.
Выява Выява задумана як прыніжальная і выкарыстоўвае цэлы шэраг стэрэатыпаў пра яўрэяў: вялікі кручкападобны нос («габрэйскі нос»), ярмолка (яўрэйскі галаўны ўбор), зласлівая ўхмылка, злёгку згорбленая спіна і паціранне рук, што паказвае на прагнасць або інтрыгі, лысеючая галава, кучаравыя валасы і кучаравая чорная барада.
Распаўсюджванне Выява з’яўляецца формай антысеміцкай прапаганды, якая распаўсюджваецца ў інтэрнэт-супольнасцях альтэрнатыўных правых, такіх як 4chan і іншыя форумы.
У 2017 годзе «Аль-Джазіра» апублікавала ў сваім афіцыйным англамоўным акаўнце Twitter выяву са Шчаслівым гандляром. Твіт прасоўваў гісторыю аб змяненні клімату і намякаў, што за гэтай негатыўнай з’явай стаяць яўрэі. Кампанія пазней выдаліла гэты твіт, патлумачыўшы, што ён быў скарыстаны ў сегменце, прысвечаным тэорыям змовы аб змене клімату, антысеміцкім тэорыям альтэрнатыўных правых.
Прысвечанае анлайн-антысемітызму даследаванне 2018 года, апублікаванае Савасам Занетту, паказала, што Шчаслівы гандляр і яго варыяцыі былі «аднымі з самых папулярных мемаў на дзвюх асноўных пляцоўках альтэрнатыўных правых». Мем Шчаслівы гандляр быў уключаны ў іншыя інтэрнэт-мемы, у тым ліку ў мем , які першапачаткова не меў расісцкіх або антысеміцкіх канатацый.
Крыніцы
Бібліяграфія
Спасылкі Happy Merchant на Know Your Meme
Катэгорыя:Карыкатура Катэгорыя:Інтэрнэт-мемы Катэгорыя:Інтэрнэт у ЗША Катэгорыя:Антысемітызм у ЗША Катэгорыя:Творы 2001 года