Брод — мелкае месца на ўсю шырыню ракі, возера або балота, па якім можна перайсці ці пераехаць з аднаго берага на другі.
Гісторыя і выкарыстанне У старажытнасці, да будаўніцтва мастоў, праз брод праходзілі дарогі. Гразкі брод звычайна ўмацоўваўся грэбляй. Брод мае важнае значэнне ў ваеннай справе пры фарсіраванні водных перашкод і пазначаецца на тапаграфічных картах з указаннем глыбіні і грунту.
На рэках Беларусі брод нярэдка супадае з перакатамі, на азёрах — з водмелямі. У сельскай гаспадарцы выкарыстоўваецца для перагону свойскай жывёлы на зарэчныя пашы, для заезду на аддаленыя сенажаці.
У тапаніміцы Ад тэрміна «брод» утвораны многія тапонімы — назвы населеных пунктаў (у Беларусі іх каля 40), рэк, азёраў, урочышчаў.
Крыніцы
Літаратура
Спасылкі
Катэгорыя:Гідраграфія Катэгорыя:Ваенная справа Катэгорыя:Транспарт