Андрыс Кулбэргс (; ) — латвійскі дзяржаўны дзеяч. Прэзідэнт міністраў Латвіі з 28 траўня 2026 года. Раней быў дэпутатам Сейма Латвійскай Рэспублікі.
Біяграфія Сын заснавальніка Рыжскага маторнага музея Віктарса Кулбэргса (1948—2013) і яго жонкі Алены. У яго ёсць брат Раймандс.
У 2002 годзе скончыў Талінскі міжнародны ўніверсітэт са ступенню бакалаўра ў галіне міжнароднага бізнесу, пасля чаго праходзіў навучанне ў бізнес-школе ў Рызе.
Пасля заканчэння навучання працаваў у тэлекамунікацыйнай кампаніі Lattelekom, дзе адказваў за міжнародныя адносіны і маркетынгавыя праграмы. Пасля перайшоў на працу ў кампанію «Auto Group Baltic», а пазней кіраваў групай кампаній «Inchcape».
На парламенцкіх выбарах 2022 года быў абраны дэпутатам Сейма Латвійскай Рэспублікі ад Рыгі, у якасці члена палітычнай кааліцыі «Аб’яднаны спіс», афіцыйна ўступіўшы на пасаду 1 лістапада таго ж года.
16 мая 2026 года, пасля адстаўкі ўрада Эвікі Сіліні, прэзідэнт Латвіі Эдгарс Рынкевічс высунуў Кулбэргса на пасаду прэм’ер-міністра краіны. 28 траўня заняў пасаду прэм’ер-міністра Латвіі. За яго прагаласавала 66 дэпутатаў.
Катэгорыя:Прэм’ер-міністры Латвіі