Este artigo trata sobre un xénero botánico, para a especie de acacia naturalizada en Galicia véxase:Mimosa.

Mimosa é un xénero que inclúe plantas herbáceas, arbustos, e árbores, dentro da subfamilia das Mimosóideas das Leguminosas. A especie máis curiosa do xénero é Mimosa pudica, coñecida simplemente como mimosa (non confundir coa Acacia dealbata) ou sensitiva, debido ao xeito no que move a súa follaxe ao ser tocada ou exposta á calor; mais hai moitas outras especies que tamén o fan á tardiña.

Distribución e hábitat O xénero distribúese desde o sur de México, até o Uruguai e a Arxentina, pasando por América Central, e é amplamente usado como ornamental, tanto en interiores como en áreas tépedas, e en exteriores nos trópicos. O seu cultivo fíxoa unha maleza invadindo moitas áreas, notabelmente en Hawai.

Descrición Os membros deste xénero atópanse entre as poucas plantas capaces de executaren o movemento rápido; os exemplos fóra de Mimosa inclúen Codariocalyx Hassk., e tamén Dionaea Ellis (coñecida coma dionea papamoscas). Mimosa pode distinguirse dun amplo xénero relacionado, Acacia e Albizia, posto que as súas flores teñen 10 ou menos estames. Nótese que, botanicamente, o que parece ser unha soa flor globosa é de feito un acio de moitos outros individuos.

Taxonomía O xénero Mimosa ten unha historia torta e complxa, tendo períodos de subdivisións e de reagrupamentos, ultimamente acumulando máis de 3.000 nomes, moitos dos cales se sinonimizan baixo outras especies ou son transferidos a outros xéneros. En parte por mor deses cambios de circunscricións, o nome "Mimosa" aplicouse a varias outras especies vinculadas con follas semellantes pinnadas ou bipinnadas, mais agora clasificadas noutros xéneros, como en Albizia e Acacia.

Mimosa foi descrita por Carl von Linné e publicada en Species Plantarum 1: 516–523. 1753. A especie tipo é: Mimosa sensitiva L.

Especies miniatura|Mimosa hamanta en Hyderabad, India. miniatura|Mimosa antes de ser tocada. miniatura|Mimosa coas follas encolleitas inmediatamente despois de ser tocada. Hai ao redor de 400 especies incluíndo: Mimosa aculeaticarpa Ortega Mimosa andina Mimosa arenosa (Willd.) Poir. Mimosa asperata L. Mimosa borealis Gray Mimosa camporum Mimosa canahuensis Standl. & Steyerm. Mimosa caste L. Mimosa ceratonia L. Mimosa claussenii Mimosa diplotricha C.Wright ex Sauvalle Mimosa disperma Mimosa dysocarpa Benth. Mimosa dysocarpa var. dysocarpa Benth. Mimosa emoryana Benth. Mimosa grahamii Gray Mimosa grahamii var. grahamii Gray Mimosa hostilis Mimosa hystricina (Small ex Britt. et Rose) B.L.Turner Mimosa lanuginosa Mimosa latidens (Small) B.L. Turner Mimosa laxiflora Benth. Mimosa malacophylla Gray Mimosa microphylla Dry. Mimosa nuttallii (DC.) B.L. Turner Mimosa pellita Kunth ex Willd. Mimosa pigra L. Mimosa pigra var. pigra L. Mimosa pudica L. - A Mimosa sensitiva Mimosa quadrivalvis L. Mimosa quadrivalvis var. hystricina (Small) Barneby Mimosa rhododactyla var. benthamii (J.F.Macbr.) Barneby (Sin.: Mimosa benthamii J.F.Macbr.) Mimosa roemeriana Scheele Mimosa rubicaulis Lam.: Mimosa rubicaulis subsp. himalayana (Gamble) H.Ohashi (Sin.: Mimosa himalayana Gamble) Mimosa rufescens Benth. Mimosa rupertiana B.L. Turner Mimosa scabrella Benth. Mimosa schomburgkii Benth. Mimosa somnians Mimosa strigillosa Torr. et Gray Mimosa tenuiflora (Willd.) Poir. (= Mimosa hostilis) Mimosa texana (Gray) Small Mimosa turneri Barneby Mimosa verrucosa Benth. Mimosa virgula

Usos En Rusia, Italia e outros países é costume agasalla ás mulleres, mimosas amarelas (xunto a outras flores) no día Internacional da muller (8 de marzo). Esa flor é de Acacia dealbata (a chamada comunmente mimosa en Galiza), que non é unha verdadeira Mimosa.

É amplamente usada en perfumaría, a extracción da súa esencia con éter de petróleo efectúase directamente a partir das flores apañadas.

La Forêt de Mimosas é unha obra cantada en francés por Kirsty MacColl que se trata dunha muller asasinada polo seu amante nunha foresta de mimosas.

A planta pode acharse en moitas partes de Bengala, onde se coñece como lajjabati (literalmente muller avergoñada).

Notas

Véxase tamén Bibliografía Barneby, R.C. 1992. Sensitivae Censitae: A description of the genus Mimosa Linnaeus (Mimosaceae) in the New World. Memoirs of the New York Botanical Garden, vol. 65. USDA, ARS, National Genetic Resources Program. GRIN. National Germplasm Resources Laboratory, Beltsville, Maryland. http://www.ars-grin.gov/cgi-bin/npgs/html/taxon.pl?300378 (9 de xaneiro de 2008)

Ligazóns externas http://www.mimosa-pudica.de/e_index.html Dous vídeos amosando a planta engurrando as follas