María Soledad Becerril Bustamante Marquesa consorte de Salvatierra, nada en Madrid o 16 de agosto de 1944, é unha política (UCD e PP) e profesora española. En 1981 foi nomeada ministra de Cultura, converténdose na primeira muller que ocupou unha carteira ministerial dende a Segunda República. En 2012 foi tamén a primeira muller que ocupou o cargo de defensora do Pobo.
Traxectoria Soledad Becerril é filla de Enrique Becerril y Antón-Miralles e da súa dona, María Bustamante y Polo de Bernabé. É a máis nova de catro irmáns.
Licenciada en Filosofía e Letras, especializada en filoloxía inglesa pola Universidade de Madrid, completou os seus estudos na Universidade Columbia. Foi profesora na Universidade de Sevilla. Fundou en Sevilla a revista de información andaluza La Ilustración Regional, da que foi conselleira delegada. En 1974, ingresou na Federación de Partidos Demócratas y Liberales, integrándose despois no Partido Demócrata de Andalucía que posteriormente se integrou na Unión de Centro Democrático. Foi elixida deputada nas eleccións xerais de 1977 pola UCD. Nas cuart, quinta e sexta lexislaturas foi elixida deputada polo Partido Popular. Formou parte da comisión encargada de redactar o Estatuto de Autonomía de Andalucía.
Durante a primeira lexislatura foi nomeada por Leopoldo Calvo-Sotelo ministra de Cultura en decembro de 1981, sendo a primeira muller que accedeu ao Consello de Ministros dende a Segunda República, cando foran Federica Montseny e, xa no exilio, Victoria Kent. Permaneceu no cargo ata decembro de 1982, cando tomou posesión o primeiro goberno de Felipe González.
Foi alcaldesa de Sevilla dende 1995 a 1999 e en 2004 foi elixida senadora pola provincia de Sevilla e en 2008, deputada pola circunscrición electoral de Sevilla.
O 29 de xuño de 2012 foi designada para o cargo de defensora do pobo, sendo a primeira muller escollida para este posto.El País En xuño de 2017 anunciou a súa renuncia tras cinco anos no cargo, que se fixo efectiva o 21 de xullo.
Cargos desempeñados Deputada por Sevilla no Congreso dos Deputados (1977-1982). Ministra de Cultura de España (1981-1982). Deputada por Sevilla no Congreso dos Deputados (1989-1996). Tenente de alcade de Sevilla (1991-1995). Alcaldesa de Sevilla (1995-1999). Deputada por Sevilla no Congreso dos Deputados (2000-2004). Vicepresidenta terceira do Congreso dos Deputados (2000-2004). Senadora por Sevilla (2004-2008). Deputada por Sevilla no Congreso dos Deputados (2008-2011). Defensora do Pobo de España (2012-2017).
Distincións honoríficas Dama Gran Cruz da Orde de Carlos III (2-12-1982).BOE Gran Oficial da Orde ao Mérito da República Italiana (2-6-1999).Quirinale Medalla de Ouro de Andalucía (21-2.2006).Boletín Oficial da Junta de Andalucía Dama Gran Cruz da Orde de San Raimundo de Peñafort (16-6-2017).BOE Premio Manuel Clavero (23-5-2018).Diario de Sevilla
Notas
Véxase tamén
Ligazóns externas Ficha persoal do Senado de España. Concesión da Medalla de Andalucía no Boletín Oficial da Xunta, 21 de febreiro de 2006
Categoría:Nados en Madrid Categoría:Nados en 1944 Categoría:Defensores do Pobo Categoría:Ministros do Goberno de España da I Lexislatura Categoría:Alcaldes de Sevilla Categoría:Senadores de España polo PP Categoría:Deputados do Congreso dos Deputados polo PP Categoría:Deputados do Congreso dos Deputados pola UCD Categoría:Políticos da Comunidade de Madrid Categoría:Alumnos da Universidade Columbia Categoría:Profesores da Universidade de Sevilla Categoría:Deputados no Congreso dos Deputados (IX Lexislatura) Categoría:Deputados no Congreso dos Deputados (Lexislatura constituínte) Categoría:Deputados no Congreso dos Deputados (I Lexislatura) Categoría:Deputados no Congreso dos Deputados (IV Lexislatura) Categoría:Deputados no Congreso dos Deputados (V Lexislatura) Categoría:Deputados no Congreso dos Deputados (VI Lexislatura) Categoría:Deputados no Congreso dos Deputados (VII Lexislatura)