José del Río Dieste, nado en Abanqueiro (Boiro), é un político galego.
Traxectoria Mariñeiro. Foi o número 8 das listas do PSdeG-PSOE en Boiro nas eleccións municipais de 1983, se ben non resultou elixido. Nas municipais de 1987 foi elixido concelleiro polo PSdeG-PSOE, que obtivo a maioría absoluta. Porén, el e outros edís socialistas aliáronse cos partidos da oposición (AP, CDS e CPG) para facer unha moción de censura contra o alcalde Manuel Velo Velo en febreiro de 1988. A moción votouse finalmente o 19 de agosto de 1988, sendo elixido novo alcalde de Boiro. Concorreu ás municipais de 1991 encabezando a candidatura do BNG, porén non conservou a alcaldía xa que foi amplamente derrotado polo PSdeG-PSOE, sendo a terceira forza política tralos socialistas e populares con tan só 3 concelleiros, polo que Velo recuperou a alcaldía. Nas municipais de 1995 encabezou de novo o BNG de Boiro, pero perdeu toda a súa representación na corporación, habendo incluso papeletas nacionalistas co seu nome tachadoNova en La Voz de Galicia ed. Barbanza, 30-5-1995, p. 41..
Notas
Véxase tamén Outros artigos Eleccións municipais en Boiro
Ligazóns externas Unha moción de censura tumba ó alcalde de Boiro en La Voz de Galicia
Categoría:Alcaldes de Boiro Categoría:Alcaldes de Galicia polo BNG Categoría:Alcaldes de Galicia durante a democracia Categoría:Nados en Boiro Categoría:Nados en ano descoñecido