Fausto Dopico Gutiérrez del Arroyo, nado en Xixón en 1944 e finado en Santiago de Compostela o 31 de outubro de 2020, foi un economista e escritor galego.
Traxectoria Nado en Xixón de pais galegos. Sendo estudante participou na creación do Frente de Liberación Popular (FLP) en Galicia (onde adoptou o nome de Unidade Socialista) e despois integróuse no PSdeG-PSOE.La Voz de Galicia, Santiago, 5-2-1980, p. 41. Licenciado en matemáticas e económicas. Foi profesor de Historia Económica na Universidade de Santiago de Compostela dende 1974. Doutor en Económicas coa tese A Ilustración e a sociedade galega, a visión de Galicia dos economistas ilustrados (1977), que foi a primeira tese lida en galego na USC. Catedrático de Historia e Institucións Económicas na USC dende 1992, mantivo relación con Ernest Lluch e colaborou con María Xosé Rodríguez Galdo no campo da historia agraria de Galicia. Foi vicepresidente da ADEH en 1996 e colaborou no campo da demografía histórica. Foi director en Galicia da Universidade Internacional Menéndez Pelayo, dirixiu a Revista Galega de Economía e colaborou en Grial, Revista de Historia Económica e El Museo de Pontevedra. Finou o o 31 de outubro de 2020.Fondo pesar na USC polo pasamento do profesor Fausto Dopico
Obras A ilustración e a sociedade galega. A visión de Galicia dos economistas ilustrados, 1978. Crisis agrarias y crecimiento económico en Galicia en el siglo XIX, 1981 (con María Xosé Rodríguez Galdo).
Notas
Véxase tamén Bibliografía
Ligazóns externas Obituario. Fausto Dopico, construyendo conocimiento y libertad.
Categoría:Economistas de Galicia Categoría:Historiadores económicos
Categoría:Escritores de Galicia en lingua galega
Categoría:Catedráticos da Universidade de Santiago de Compostela Categoría:Nados en Xixón Categoría:Nados en 1944 Categoría:Finados en 2020