Carlos Andrés González Paz, nado en Alfoz do Castrodouro o 9 de febreiro de 1977, é un historiador e escritor galego.

Traxectoria

Nado en Alfoz e con raíces na Ulloa e na Mariña luguesa, conseguiu o grao académico de especialista en Historia Medieval na Universidade do Porto e o doutoramento en Historia Medieval na Universidade de Santiago de Compostela coa tese O bispado de Mondoñedo na Idade Media: territorio, comunidade e poder), dirixida por Carlos Baliñas Pérez.

É investigador no Instituto de Estudios Gallegos Padre Sarmiento (Consello Superior de Investigacións Científicas (CSIC) e Xunta de Galicia. Ademais, é investigador asociado do Centro de Estudos de Historia da Cidade da Universidade de Santiago de Compostela e tamén investigador colaborador do Centro de Investigação Transdisciplinar “Cultura, Espaço e Memória” da Universidade do Porto. As súas liñas de investigación céntranse na organización socioeconómica da paisaxe medieval do Antigo Reino de Galicia, na historia social das mulleres na Galicia medieval e no fenómeno histórico da peregrinación, con especial atención ao Camiño de Santiago.

Desde 2008 é coordinador dos «Coloquios Internacionales Compostela» (Consello Superior de Investigacións Científicas, CSIC – Commission Internationale d'Histoire et d'Études du Christianisme, CIHEC) e membro do consello de redacción das revistas Cuadernos de Estudios Gallegos (CSIC) e Rudesindus da Academia Auriense-Mindoniense de San Rosendo. Ten colaborado tamén en: Ad Limina: Revista de Investigación del Camino de Santiago y las Peregrinaciones, Arqueología & Historia, Desperta Ferro. Arqueología e Historia, Ad limina: revista de investigación del Camino de Santiago y las peregrinaciones, Peregrino: revista del Camino de Santiago, Encrucillada: Revista galega de pensamento cristián, Estudios mindonienses: Anuario de estudios histórico-teológicos de la diócesis de Mondoñedo-Ferrol, Murguía: revista galega de historia, Boletín do Museo Provincial de Lugo.

Obras

Osorio Gutiérrez, o ‘conde-santo’ de Vilanova de Lourenzá (2009). [Lourenzá, Lugo], Concello de Lourenzá. 62 páxs. El Pazo de Tovar: espacios, perspectivas, tiempos (2012/2013). Monografía núm. 12 de Cuadernos de Estudios Gallegos, Santiago de Compostela, CSIC. 160 páxs. Escritoras na Galicia do século XIX (2014). Monografía núm. 13 de Cuadernos de Estudios Gallegos, Santiago de Compostela, CSIC. 222 páxs. O bispado de Mondoñedo na Idade Media: territorio, comunidade e poder (2020). Santiago de Compostela: Editorial CSIC. (Anexos de Cuadernos de Estudios Gallegos, núm. 49) 2 vols., 1213 páxs. La peregrinación de la nobleza en la Edad Media (2021). Madrid: Ediciones Hidalguía. 340 páxs. Con Helena Guizk e Marta González Vázquez.

Libros colectivos

O mariscal Pardo de Cela e o seu tempo (2006). [Lugo], Deputación Provincial de Lugo. 542 páxs. Ons en el tiempo = Ons no tempo (2010). Madrid, ICI: 2010. 164 páxs. Ruta Pardo de Cela (2010). [Lugo], Trasluz Lukus. 61 páxs. Ons y Onza en los archipiélagos gallegos (2012). Madrid: ICI.137 páxs. “Fronteira/fronteiras e identidade”, en Luís Adão da FONSECA. (coord.), Entre Portugal e a Galiza (sécs. XI a XVII). Um olhar peninsular sobre uma região histórica (2014). Porto: Fronteira do Caos Editores, CEPESE. “Contribución á socioeconomía agraria da Galicia medieval: a viticultura heroica nas terras de Mondoñedo”, en Anselmo LÓPEZ CARREIRA (ed.), “Regnum totius Gallaeciae”: o reino medieval de Galicia (2024). A Coruña: Deputación da Coruña. "Santiago de Compostela: núcleo urbano, ciudad santa y centro económico en el siglo XV", As Cidades na História (2025).Guimarães, Município de Guimarães, 2025, páxs. 27-40.

Editor

As voces de Clío: a palabra e a memoria da muller na Galicia (2009).Consejo Superior de Investigaciones Científicas (CSIC). Women and Pilgrimage in Medieval Galicia, (2015). Compostela International Studies in Pilgrimage History and Culture, Farnham, Surrey (England, UK) & Burlington, Vermont (USA), Ashgate.1 86 páxs. Women and Pilgrimage in Medieval Galicia (2016). Compostela International Studies in Pilgrimage History and Culture, London & New York, Routledge.186 páxs., edición en VitalSource eBook. Women and Pilgrimage in Medieval Galicia (2019). Compostela International Studies in Pilgrimage History and Culture, London & New York: Routledge. 186 páxs. Da vila do Castro d’Ouro ao concello de Alfoz: oitocentos anos na Historia (2024).Santiago de Compostela: Editorial CSIC. (Monografías de Cuadernos de Estudios Gallegos, núm. 21), 198 páxs.

Notas

Categoría:Nados en 1977 Categoría:Historiadores de Galicia Categoría:Medievalistas Categoría:Nados en Alfoz do Castrodouro Categoría:Alumnos da Universidade do Porto Categoría:Alumnos da Universidade de Santiago de Compostela Categoría:Personalidades de Galicia sen imaxes