As penicilinas semisintéticas son antibióticos do grupo dos beta-lactámicos (concretamente penicilinas) que se obteñen por medio da modificación química de derivados da penicilina G. O característico é que o deseño industrial do proceso se inicie coa produción por fermentación de penicilina G ou, nalgúns casos, penicilina V; trala súa purificación, elimínase a cadea lateral por medio do encima penicilina acilase, o que dá lugar ao núcleo de ácido 6-aminopenicilánico; finalmente, este composto modifícase quimicamente para dar lugar a un antibiótico con características melloradas. As penicilinas semisintéticas, amplamente utilizadas, posúen algún elemento de vantaxe fronte ás penicilinas naturais: estabilidade a pH ácido, resistencia a beta-lactamases codificadas por plásmidos ou cromosomas, espectro de acción ampliado etc.
Notas
Categoría:Penicilinas