Ramón Salgado Toimil, nado en Lugo o 11 de novembro de 1883 e finado en Foz o 1 de xullo de 1942, foi un mestre e pedagogo galego.
Traxectoria Seguiu a carreira eclesiástica no Seminario de Lugo e, en 1916, aprobou as oposicións ao maxisterio, e exerceu como mestre. Coñecedor das correntes pedagóxicas europeas renovadoras, destacou pola súa participación nas organizacións corporativas e de defensa profesional do maxisterio. Na súa faceta de relator destacou pola súa presenza na inauguración de numerosas escolas na Mariña sufragadas por emigrantes galegos. Foi redactor-xefe de La Voz de la Verdad e colaborador habitual de El Progreso, Boletín de la Real Academia Gallega, La Voz de Galicia, Vida Escolar e Almanaque Gallego de Buenos Aires. En canto ao seu labor societario, foi vogal dos docentes galegos ante a Asociación Nacional de Mestres en 1931 e traballou a favor da creación da Federación de las Asociaciones de Maestros Gallegos, que se constituíu o 7 de abril de 1935.
Obras Pedagoxía Varias destas obras foron inicialmente comunicacións e traballos presentados nos congresos pedagóxicos de Lugo (1923) e A Coruña (1926). Concepción Arenal en el aspecto pedagógico, 1925. Qué medios pueden ponerse en práctica para elevar la cultura general y profesional de los maestros actuales, 1925. Puntos cardinales del pensamiento pedagógico contemporáneo, Sociología infantil. Escuela única. Pacifismo, 1927. Colaboraciones sociales que la escuela precise, 1928.
Ensaio Capricho literario-apologético, 1910 Por Galicia y por el arte, 1920. Odoario o Lugo en el siglo VIII, 1923. Santuarios Gallegos: El Corpiño, 1929.
Véxase tamén Ligazóns externas Ficha en galegos.info
Categoría:Pedagogos de Galicia Categoría:Xornalistas de Lugo Categoría:Escritores de Galicia Categoría:Nados en Lugo Categoría:Nados en 1883 Categoría:Finados en 1942