„Жената на францускиот поручник“ () — филм од 1981, режиран од Карел Рајс (Karel Reisz) по сценариото на Харолд Пинтер, засновано врз истоимениот роман на Џон Фаулс (John Fowles). Главните улоги ги толкуваат: Мерил Стрип (Meryl Streep), Џереми Ајронс (Jeremy Irons), Лео Мекерн (Leo McKern) и Линзи Бакстер (Lynsey Baxter).Ženska francuskog poručnika, britanski film (пристапено на 14.2.2024)
Синопсис Во филмот се испреплетени две љубовни приказни: едната се одвива во викторијанската ера, а другата во денешнината. Во првата приказна, лондонскиот џентлмен Чарлс (го игра Ајронс) пристигнува во мало место на морскиот брег со намера да ја побара раката на Ернестина (ја игра Бакстер), ќерката на еден угледен богат човек. Еден ден, додека Чарлс шета со својата свршеница, тој здогледува млада жена облечена во црнина за која Ернестина му кажува дека е некоја лесна жена која своевремено била заљубена во некој француски поручник. Жената се вика Сара (ја игра Стрип), а неа ја презира целото месно население, сметајќи ја за блудница. Кај Чарлс се раѓа интерес за Сара и постепено се вљубува во неа. Месниот лекар (го игра Мекерн) го известува дека Сара страда од тешка меланхолија и дека таа може да се излечи само ако го напушти местото, но таа го одбива тоа... Во втората приказна, двајца глумци, Мајк (го игра Ајронс) и Ен (ја игра Стрип) глумат во филм за жената на францускиот поручник при што за време на снимањето на филмот започнуваат љубовна врска, иако двајцата се во брак. Иако слични, двете приказни завршуваат различно...
Наводи
Категорија:Филмови од 1981 година Категорија:Британски филмови Категорија:Филмови на англиски јазик Категорија:Љубовни филмови Категорија:Филмови засновани на романи Категорија:Филмови снимени во Лондон Категорија:Филмови снимени во Англија Категорија:Филмови на Карел Рајс Категорија:Филмови со Џереми Ајронс Категорија:Филмови со Линзи Бакстер Категорија:Филмови со Лео Мекерн Категорија:Филмови со Хилтон Макреј Категорија:Филмови со Емили Морган Категорија:Филмови со Шарлот Мичел Категорија:Филмови со Мерил Стрип Категорија:Филмови чие дејствие се одвива во Англија Категорија:Филмови чие дејствие се одвива во Лондон