десно|мини|317x317пкс| Храмот на Аполон во Курион Хилат (старогрчки: Ὑλάτης) — бог кој бил обожаван на островот Кипар и кој подоцна бил споредуван со грчкиот бог Аполон. Неговото име веројатно потекнува од ὑλακτέω („лаење“) или ὕλη („шума“).
Во Курион се наоѓало важно светилиште посветено на Хилат.
Светилиштето на Аполон Хилат Светилиштето на Хилат се наоѓало на околу 2.5 километри западно од античкиот град Курион, покрај патот што води до Пафос. Тоа било едно од главните религиозни центри на антички Кипар, каде што Аполон бил обожаван како бог на шумите. Најверојатно обожавањето на Аполон на ова место започнало уште во осмиот век пред нашата ера и продолжило до четвртиот век од нашата ера. Локалитетот претрпел многу проширувања и измени во различни периоди. Поголемиот дел од спомениците коишто можат да се видат денес припаѓаат на реставрации на локалитетот од првиот век од нашата ера. Ѕидот од каде може да се влезе во локалитетот преку Курионската порта и Пафоската порта го опкружува светилиштето.
Првично локалитетот се состоел од храм, чии траги опстојуваат во темелите на денешниот храм; кружен споменик, кој веројатно бил наменет за поворки или ора околу шумичката со свети дрвја; и формализиран архаичен олтар и предел. За време на римскиот период локацијата била проширена со доградување на јужните и северните згради, кои веројатно биле користени за прикажување на свети објекти или сместување на посетители. Теракотните фигурини и керамиката кои биле акумулирани во храмот од петтиот век п.н.е до римскиот период биле закопани во вотивната јама. Долга улица што се протега од југ кон север води до храмот на Аполон Хилат, кој бил изграден во доцниот класичен или раниот хеленистички период на урнатините на архаичниот храм. Во првиот век од нашата ера, храмот бил обновен со поинаков архитектонски стил, со набатејски столбови. Една мала зграда јужно од областа веројатно била куќа на свештеник. По должината на надворешната источна страна на ѕидовите се палестрата каде спортистите некогаш вежбале и играле игри, како и бањите.
Наводи
Користена литература
Buitron, Diana; Birge, Darice. "Sanctuary of Apollo Hylates, Kourion, 1980. Excavations; the Cult". In: American Journal of Archaeology, vol 85.2, Boston 1981. pp. 187–188. Buitron-Oliver, Diana et al., The sanctuary of Apollo Hylates at Kourion. Excavations in the Archaic precinct. Studies in Mediterranean Archaeology 109, 1996. . Glover, Stephen C. "Sanctuaries of Apollo Hylates at Dhrymou and Chytroi". In: American Journal of Archaeology, Band 86.2, Boston: 1982. pp. 265–266. Hollinshead, Mary B. "Review: "The Sanctuary of Apollo Hylates at Kourion, edited by David Soren"". In: American Journal of Archaeology Band 93.4, Boston: 1989. pp. 623–624.
Senff, Reinhard. "Kurion". In: Hubert Cancik, Helmuth Schneider u. Manfred Landfester (Hrsgg.). Der Neue Pauly Vol. 6 Iul–Lee, Stuttgart 1999. Sinos, S. The Temple of Apollo Hylates at Kourion and the Restoration of its south-west corner. Athens: 1990. Soren, D. The Sanctuary of Apollo Hylates at Kourion. Tucson: 1987.
Категорија:Аполон Категорија:Старогрчка митологија Категорија:Религијата во Кипар