Божиновски часовници и накит е македонска компанија специјализирана за малопродажба на луксузни часовници и накит. Основана е во 1996 година со седиште во Битола, Северна Македонија. Компанијата е официјален застапник на повеќе светски познати брендови, а освен продажна дејност, таа е активна и во поддршка на културни проекти, фестивали и општествено-одговорни иницијативи.Божиновски – време е за македонски Swatch, Antoris.mk, 2021
Историја Компанијата е основана како семеен бизнис во Битола во 1996 година. Во текот на доцните 1990-ти и почетокот на 2000-тите години, Божиновски го проширува своето делување надвор од Битола и воспоставува малопродажна и дистрибутивна мрежа во повеќе градови низ државата, а во 2001 година ја отвара првата официјална продавница на Swatch во Скопје. Во следните години компанијата го проширува асортиманот со брендови од премиум и луксузниот сегмент, инвестира во развој и модернизација на сопствените продажни простори.
Дејност Основната дејност на компанијата „Божиновски часовници и накит“ е малопродажба на луксузни и премиум часовници и накит. Таа е овластен малопродажен партнер на реномирани меѓународни брендови, вклучувајќи ги Omega, Breitling, TAG Heuer, Longines, Tissot, Hamilton, Montblanc, Damiani, Swatch, Flik Flak и Ti Sento.Официјална веб-страница на Божиновски, bozinovski.com.mk Компанијата обезбедува и услуги за сервис и одржување на часовници, во согласност со стандардите и техничките протоколи на брендовите што ги застапува, како и за други брендови како Cartier, IWC Schaffhausen и Jaeger-LeCoultre. Малопродажна мрежа Компанијата управува со сопствени продажни салони во Битола и Скопје, вклучувајќи објекти лоцирани во централни градски зони и трговски центри. Покрај сопствените локации, Божиновски соработува и со овластени партнери во други градови низ Северна Македонија. Културна поддршка и фестивал „Браќа Манаки“ Од 2010 година, „Божиновски часовници и накит“ е партнер и поддржувач на Интернационалниот фестивал на филмска камера „Браќа Манаки“ во Битола. Компанијата е активна во поддршката на фестивалските програми и придружните културни настани, вклучувајќи ја и OFF-програмата.
Компанијата учествува во изработката на наградата „Голема ѕвезда на македонската кинематографија“, која се доделува за особен и долгогодишен придонес кон македонскиот филм. Во соработка со фестивалот, Божиновски иницираше поставување ѕвезди на улицата Широк Сокак во Битола, со имињата на добитниците на фестивалските награди, трајно вградувајќи го фестивалот во јавниот простор.
Од 2025 година, компанијата дизајнира, изработува и доделува златен медал како официјално признание за особен придонес кон фестивалот.
Проект „Swatch на кирилица“ Во 2021 година, по повод 30-годишнината од независноста на Северна Македонија, компанијата го реализираше проектот „Swatch на кирилица“. Во рамките на проектот беше претставен специјален часовник наречен „Дениција“, дизајниран од македонскиот графички дизајнер Зоран Кардула.
Часовникот беше произведен во лимитирана серија од 30 нумерирани примероци и дистрибуиран преку аукциски модел. Средствата беа наменети за започнување на активностите на Фондацијата „Божиновски“.
Фондација „Божиновски“ Фондацијата „Божиновски“ е основана во 2022 година како продолжение на долгогодишната поддршка од компанијата за културни и уметнички иницијативи. Целта на фондацијата е да го поврзе бизнисот со културата преку поддршка на културни, уметнички и едукативни проекти, со посебен фокус на млади уметници и креативци.
Игор Божиновски Сопственикот на компанијата, Игор Божиновски, во 2025 година беше именуван за почесен конзул на Република Австрија во Северна Македонија, со седиште во Битола.
Извори Божиновски – време е за македонски Swatch, Antoris.mk, 2021 Официјална веб-страница на Божиновски: bozinovski.com.mk „Божиновски постави ѕвезди на Широк Сокак за лауреатите на фестивалот ‘Браќа Манаки’“, Вечер, 2022 „Божиновски доделува златен медал на фестивалот ‘Браќа Манаки’“, А1он, 2025 „Дениција – првиот македонски Swatch дизајниран од Кардула“, Off.net.mk, 2021 „Божиновски официјално ја претстави својата фондација“, Fashionel.mk, 2022 „Игор Божиновски именуван за почесен конзул на Австрија во Битола“, МИА, 2025
Категорија:Компании во Северна Македонија Категорија:Компании основани во 1996 Категорија:Трговија Категорија:Битола Категорија:Луксузни брендови Категорија:Накит Категорија:Часовници