Beck (, македонски: Бек) — манга напишана и илустрирана од Харолд Сакуиши. Првично била објавувана во списанието за шонен-манга Monthly Shonen Magazine од 1999 до 2008 г., а по 103-тата глава била објавувана од страна на Kodansha во 34 тома танкобон. Приказната следи група јапонски младинци што основаат рок-група и нивната борба за слава, со внимание на 14-годишниот Јукио „Којуки“ Танака, кој пред да го запознае гитаристот чудо Рјусуке Минами, бил просечен младинец со досаден живот.

Мангата била адаптирана во аниме-серија од 26 епизоди под наслов BECK: Mongolian Chop Squad, во производство на студиото Madhouse, која се прикажувала на телевизискиот канал TV Tokyo од октомври 2004 до март 2005 г.

Содржина Јукио Танака, кого пријателите го нарекуваат „Којуки“, е обичен 14-годишен Јапонец што започнува да учи во осмо одделение во нижо средно училиште. Неговиот досаден живот се менува кога од група деца спасува необично куче по име Бек. Сопственикот на Бек се покажува дека е рок-музичар, 16-годишниот Рјусуке Минами, кој подоцна го вдахнува Којуки да започне да свири гитара. Историјата е фокусирана на искушенијата и неволјите на рок-групата „Бек“, како и на односите на Којуки со нејзините членови, особено со Рјусуке и неговата 14-годишна полусестра Махо.

По дружењето со Рјусуке и гледањето како тој свири со својата поранешна група, Којуки постепено почнува да се интересира за западната рок-музика. Рјусуке му дава гитара, но кога Којуки ја крши, Рјусуке му вели никогаш повеќе да не контактира со него. Во исто време, Рјусуке ја основа својата нова група „Бек“, со вокалистот Цунеми Чиба, басистот Јошијуки Таира и Того, тапанарот од неговата претходна група. Којуки почнува да работи и да учи да свири гитара кај 44-годишниот Кеничи Саито во замена за поправање на гитарата.

По една година, тој повторно се среќава со Рјусуке и почнува да вежба со „Бек“. Којуки се спријателува со својот соученик Јуџи „Саку“ Сакураи. Кога Того ја напушта групата, Рјусуке ги поканува Којуки и Саку да му се приклучат на „Бек“ како придружни музичари, станувајќи полноправни членови дури откако групата ќе го слушне пеењето на Којуки. Конечно, „Бек“ го издава својот прв албум на независна етикета во САД под името Mongolian Chop Squad. По стекнувањето популарност со американскиот албум и учеството на Којуки во меѓународен концертен документарен филм, „Бек“ добива место на музичкиот фестивал Grateful Sound 5, каде што го приредуваат најкоментираниот настап на целиот фестивал.

Којуки сфаќа дека животот без групата е исклучително досаден и полека повторно ги собира членовите на рок-групата, освен Рјусуке, чие место на престојување е непознато. Тие настапуваат како квартет пред да добијат понуда за турнеја низ САД врз основа на нивниот настап на Grateful Sound 5. Откако Којуки и Саку го напуштаат училиштето заради турнејата, „Бек“ заминува за Америка. Но по неколку неуспешни настапи, тие се исфрлени од турнејата пред повторно да се сретнат со Рјусуке во Сиетл. (Адаптацијата на анимето завршува тука.) Преостанатиот дел од турнејата станува хит и на крајот се појавуваат на националната телевизија пред да се вратат во Јапонија.

По објавувањето на два сингла, „Бек“ заминува на турнеја низ Јапонија и добива место на фестивалoт Grateful Sound 7. Меѓутоа, подоцна испаѓаат од составот. Тие полека се враќаат по формирањето турнеја со неколку музички групи со сличен звук, потпишуваат договор со популарна британска инди-етикета и почнуваат да го снимаат својот прв целосен албум. Славниот режисер што го снимил концертниот документарец за Којуки, на крајот се појавува како режисер на нивното прво музичко видео. Нивниот албум и музичкото видео поминуваат добро и во Јапонија и во Англија, носејќи им бројни статии во списанијата во двете земји. По уште една турнеја низ Јапонија, прават кратка турнеја низ Англија, вклучувајќи и настап на обновата на легендарниот фестивал „Авалон“. Потоа групата потпишува договор со голема меѓународна издавачка куќа и го снима својот деби-албум во Њујорк. Со албумот што е исклучително успешен низ целиот свет, тие гостуваат низ Јапонија и Америка, а серијалот завршува со настапот на „Бек“ како главни ѕвезди на главната сцена на Grateful Sound 9.

Ликови

Главниот лик; серијалот го следи неговиот брз развој од младинец со досаден и просечен живот до истакнат гитарист и пејач. Пред да го запознае Рјусуке, тој слушал само јапонска поп-музика и никогаш не слушал странски групи. Тој е последниот член што му се приклучува на „Бек“ (заедно со Саку), каде што свири ритам-гитара и ги пее побавните песни. На јапонски го озвучува Даисуке Намикава, пејачките делови ги изведува Казуја Хирабајаши, а во англиската синхронизација го озвучува Грег Ерс.

На изглед безделник, но неверојатно надарен гитарист што го вдахнува Којуки да почне да свири. Рјусуке зборува англиски подобро од јапонски, бидејќи живеел во Њујорк 8 години. Тој е водечкиот гитарист на „Бек“ и негов основач. Голем дел од дејството се врти околу него и неговата гитара Gibson Les Paul (наречена Lucille). На јапонски го озвучува Јума Уено, а во англиската синхронизација — Ерик Вејл.

Помладата полусестра на Рјусуке и надарена пејачка. Таа е дрска, но емотивно кревка и постепено гради однос со Којуки. Бидејќи е убава и популарна, Којуки често ја гледа во романтично светло. Иако е надарена пејачка, таа му признава на Којуки дека всушност би сакала да стане кинорежисерка. Работи и како љубителска манекенка. На јапонски ја озвучува Михо Саики, пејачките делови се на Совелу, а во англиската синхронизација ја озвучува Брина Паленсија.

Главниот вокалист на „Бек“; неговиот вокал е повеќе во панк- и рап-стил отколку на Којуки, што повеќе одговара за поенергичните песни на групата. Тој е најстабилниот член на групата, кој никогаш не бега од судир и не ги крие своите чувства во тешки ситуации. Тој е и одличен каратист, вештина што ја користи во своите настапи на сцена. Кога не е зафатен со групата, помага во семејниот ресторан за нудли; вели дека ако „Бек“ се распадне, ќе отвори сопствен ланец ресторани. Неговиот визуелен изглед е заснован на вокалистот на Rage Against the Machine, Зак де Лароча. На јапонски го озвучува Шинтаро Охата, пејачките делови се на Тацузо (од YKZ), а во англиската синхронизација го озвучува Џастин Кук.

Басистот на „Бек“; тој е вториот член што му се приклучува на Рјусуке. Иако понекогаш изгледа рамнодушен или апатичен, тој е всушност најзрелиот член на групата и често дава корисни совети. На концертите обично настапува без кошула, исто како и неговиот реален прототип на што е заснован: Фли (Flea) од Red Hot Chili Peppers. Неговиот главен инструмент е бел Music Man Stingray. На јапонски го озвучува Кенџи Ноџима, а во англиската синхронизација — Џери Џуел.

Саито е средовечен човек со необични навики и поранешен олимписки пливач, кој го учи Којуки да свири гитара, но и да плива, во замена за помош во неговиот бизнис. Иако е строг наставник, тој го открива потенцијалот на Којуки. На јапонски го озвучува Порше Окита, а во англиската синхронизација — Р. Брус Елиот.

Саку е тапанарот на „Бек“ и последниот член што се приклучува (заедно со Којуки). Тој станува најдобар другар на Којуки во училиштето, како единствен што се осмелил да зборува со него додека другите го малтретирале. Тој му е најблизок на Којуки и често му е поткрепа во моментите на несигурност. Пред крајот на серијалот ветува дека ќе се врати доколку „Бек“ повторно се обедини, па дури и бега од дома за да го направи тоа. На јапонски го озвучува Тору Нара, а во англиската синхронизација — Џони Јонг Бош.

Наводи

Надворешни врски Матична страница

Категорија:Манги Категорија:Аниме-серии Категорија:Манга од 1999 година