Мистеријата на бугарските гласови (хор)

„Мистеријата на бугарските гласови“ () е бугарска женски хор кој изведува автентична и обработена фолклорна музика.

Тој води потекло од Ансамблот за народни песни на Бугарското радио, основан во 1952 година, кој се состоел од народен хор и народен оркестар. Снимките на народниот хор се дел од серијата компилации на швајцарскиот продуцент Марсел Селие, објавени меѓу 1975 и 1989 година под насловот „Le Mystère des Voix Bulgares“. По нивниот комерцијален успех во доцните 1980-тите години, покрај името Женски вокален хор на Бугарската државна телевизија, составот почнува да го користи и насловот на албумите „Мистеријата на бугарските гласови“.

Историја Хорот бил основан во 1952 година по идеја на долгогодишниот главен уредник на редакцијата „Народна музика“ во БНР, Георги Бојаџиев. Меѓу солистите на хорот се едни од најистакнатите изведувачки на бугарски народни песни: Ева Георгиева, Севдалина Славова, Димка Владимирова, Руска Недјалкова, Марија Кокарешкова, Анастасија Костова, Надежда Хвојнева, Јанка Рупкина, Калинка В’лчева, Стојанка Бонева, Олга Борисова, Павлина Горчева, Кремена Станчева, Василка Андонова, Стефка С’ботинова, Калинка ЗгуроваМистеријата на бугарските гласови. Студиски снимки со хорот имаат и народните пејачи Јовчо Караиванов и Борис Машалов. Солисти на хорот од 1996 година се пејачите Даниел Спасов и Милен Иванов. Со текот на годините, заедно со пејачките концертирала и камерна група под раководство на Атанас В’лчев,

Од 1952 до 1990 година, женскиот хор бил дел од Ансамблот за народни песни на Бугарското радио. Во 1990 година, хоровиот состав се поделил на два дела. Дел од пејачките и Дора Христова преминале во редовен работен однос во Бугарската национална телевизија. Во 1997 година, БНТ го скратила хоровиот состав, па пејачките продолжиле да работат како слободни уметници и одржувале концерти главно во странство. Останатите пејачки од хорот ја продолжиле својата работа во БНР како дел од Ансамблот за народни песни. Подоцна, и овој хор бил распуштен. Веднаш по тоа, настанале состави слични на радиохорот – хоровите „Ангелите“ и „Космички гласови од Бугарија“. Еден дел од пејачките се приклучиле кон хорот „Бугарските гласови – Ангелите“, друг дел се насочиле кон хорот „Космички гласови од Бугарија“, а трет дел работеле со хорот „Големите бугарски гласови“, основан во 1980-тите години од Здравко Михајлов.

Прв диригент на хорот бил Борис Петров. Вистинскиот развој на хоровиот состав се случува под раководство на композиторот и диригент Димитар Динев. Со доаѓањето на Красимир Ќуркчиски, хорот започнува со концертни настапи на светските сцени. Музика за овој состав пишувале едни од најдобрите бугарски композитори: Красимир Ќуркчиски, Николај Кауфман, Христо Тодоров, Филип Кутев, Петар Љондев, Стефан Мутафчиев, Георги Андреев.

Албумите со нивно учество, како и со учество на други хорови состави од Бугарија, неколку пати биле номинирани за наградата „Греми“. Во 1990 година, за „Le Mystère des voix bulgares. Volume Two“ (Мистеријата на бугарските гласови. Дел 2)Buchanan, Donna A. (2006). Performing democracy: Bulgarian music and musicians in transition. Chicago, Ill. [u.a.]: Univ. of Chicago Press. p. 489. ISBN 978-0-226-07826-7. "Past Winners". Grammy.com. National Academy of Recording Arts and Sciences. Архивирано од оригинала на 21 јули 2014. ја добива наградата „Греми“ за продуцентство. Во 1994 година, албумот „Ритуал“ на хорот, кој вклучува божиќни и лазарски песни, повторно бил номиниран за „Греми“.

Диригенти на хорот низ годините биле Димитар Динев, Љубен Ботушаров, Красимир Ќуркчиски, Здравко Михајлов, Стефан Мутафчиев и Георги Генов. Моменталниот диригент на хорот е Дора Христова.

Дискографија 1975 Le Mystère des Voix Bulgares, компилација, Disques Cellier 1987 Cathedral Concert (во живо), PolyGram (преобјавен во 1992) 1988 Le Mystère des Voix Bulgares, volume II, Disques Cellier 1989 Le Mystère des Voix Bulgares, volume III, Disques Cellier 1993 From Bulgaria with Love: the Pop Album, Rhino/Atlantic 1993 Melody Rhythm & Harmony, Rhino/Atlantic 1994 Ritual, Nonesuch/Elektra 1995 Box Set: Le Mystère des Voix Bulgares, volumes I–II and Ritual, Nonesuch/Elektra 1998 Le Mystère des Voix Bulgares, volume IV, Philips 2001 Bulgarian Custom Songs, Gega 2003 A Portrait of Nikolai Kaufmann, Riva Sound / KVZ Music Ltd. 2008 Music From Alone in the Dark, композитор Оливие Деривиер, Milan Records 2017 Le Mystère des Voix Bulgares ft. Lisa Gerrard - Pora Sotunda (сингл на винил и во дигитален формат) 2018 Le Mystère des Voix Bulgares ft. Lisa Gerrard - BooCheeMish (нов албум)

Наводи

Надворешни врски The Mystery of Bulgarian Voices

Категорија:Бугарска култура Категорија:Музички групи основани во 1952 година Категорија:Бугарски фолклор Категорија:Бугарски музички групи