мини|Д-р Џенер вршејќи ја својата прва вакцинација врз Џејмс Фипс, момче на 8 години, на 14 мај 1796 година. Слика од Ернест Борд (почеток на 20 век). Џејмс Фипс (1788 – 1853) ― првото лице на кого Едвард Џенер му ја примил опитната вакцина против кравји сипаници. Џенер знаел за месното верување дека работниците во млекарниците кои се заразиле со релативно блага зараза наречена кравји сипаници се имуни на сипаници и успешно ја испитал својата теорија на 8-годишниот Џејмс Фипс на 17 мај 1796 година.
Ран живот и вакцинација против сипаници Фипс бил роден во парохијата Беркли во Глостершир, во семејство на сиромашен безземјиштествен работник кој работел како градинар кај Џенер. Тој бил крстен во парохиската црква „Св. Марија“ во Беркли, кога имал 4 години. мини|Инокулацијата на Џејмс Фипс од Едвард Џенер. Литографија од Гастон Мелинге (околу 1894 година). На 14 мај 1796 година, тој бил избран од Џенер, кој зел „здраво момче, околу осум години, за вакцинација против кравји сипаници“. Џенер зел малку течност од везикулите за кравји сипаници на раката на млекарката по име Сара Нелмес (во необјавен ракопис, Џенер ја нарекува Луси Нелмес) и го инокулирал Фипс со две мали посекотини на кожата на раката на момчето.
Џенер напишал: На седмиот ден се пожали на непријатност во мишката, а на деветтиот малку му се разлади, го изгуби апетитот и имаше мала главоболка. Во текот на целиот ден беше значително нерасположен и ја помина ноќта со одреден степен на немир, но следниот ден беше сосема здрав. Околу шест недели подоцна, Џенер го инокулирал момчето со сипаници, што немало ефект и заклучил дека сега има целосна заштита од сипаници. Фипс последователно бил инокулиран со сипаници повеќе од дваесет пати без да подлегне на болеста.
Фипс често е наведуван погрешно како првото лице кое било вакцинирано против сипаници со инокулација со кравји сипаници: други луѓе ја поминале постапката пред него. Во 1791 година, Петер Плет од Кил во Војводството Холштајн (сега Германија) инокулирал три деца,P. C. Plett: Peter Plett und die übrigen Entdecker der Kuhpockenimpfung vor Edward Jenner. Sudhoffs Archiv, Zeitschrift für Wissenschaftsgeschichte, vol 90, issue 2, Franz Steiner Verlag, Stuttgart, 2006, pp. 219–232. а Бенџамин Џести од Јетминстер во Дорсет ја извршил постапката на три члена на семејството во 1774 година. Сепак, Џенер го вклучил својот опис на вакцинацијата на Фипс и илустрација на раката на Сара Нелмес од која е земен материјалот во неговото дело „Истрага“ (Inquiry) објавено во 1798 година. Заедно со низа вакцини кои покажале дека вакцината може да биде одржувана со пренос од рака на рака и информации за избор на соодветен материјал, делото „Истрага“ на Џенер бил првиот објавен извештај за вакцинацијата.
Подоцнежен живот мини|Плакета во куќата на Џејмс Фипс во Беркли, Глостершир. Подоцна во животот на Фипс, Џенер им дал нему, на неговата сопруга и на неговите две деца бесплатен закуп на куќа во Беркли, во која подоцна бил сместен Музејот „Едвард Џенер“ помеѓу 1968 и 1982 година. Фипс присуствувал на погребот на Џенер на 3 февруари 1823 година.
Во 1853 година, Фипс бил погребан во црквата „Св. Марија“ во Беркли, каде што бил крстен. Џенер исто така бил погребан во оваа црква.
Наводи
Надворешни врски
Во одбрана на Едвард Џенер - говор на ABC Radio National 1997
Категорија:Англичани од 18 век Категорија:Починати во 1853 година Категорија:Родени во 1788 година Категорија:Историја на истражувањето на луѓето Категорија:Луѓе од Беркли (Глостершир) Категорија:Англиски деца