Мошусна каменоломка () — вид цветно тревесто растение од родот каменоломка во семејството на каменоломките (Saxifragaceae).
Опис и распространетост Ова е растение со збиени розети кои формираат мали перничести образувања. Во основата розетите имаат многу стари, нераспаднати листови, а на врвот малку живи листови. Цветните гранчиња се високи 5–10 см, покриени со густи ситни жлездести влакна и имаат 1–3 спирално наредени листови. Лисјата во розетата се тесно копјести, долги до 1 см, 4–6 пати подолги од ширината, целосни или на врвот поделени на 2–3 тесни сегменти, кон основата се стеснуваат, приседнати, со ситни жлездести влакна од двете страни, а по рабовите (особено долу) со долги жлездести влакна; стеблените листови најчесто се целосни. Соцветието има 1–7 цветови. Чашката е покриена со жлездести влакна; чашкините ливчиња се јајцевидни, долги околу 2 мм, со тапи врвови и прилегнати до венечните. Венечните ливчиња се долги 3–4 мм, жолтеникави, кремасти до бели или црвенкави, обратно јајцевидни до елиптични, малку потесни или пошироки од чашкините. Прашниците се пократки од венечните, филаментите се кремасти или розови, а антерите кремасти.
Во Македонија расте на силикатни карпи во алпскиот појас. Позната единствено за планината Кораб.
Варијабилност Видот е поделен на следниве подвидови: Saxifraga moschata allionii Saxifraga moschata moschata
Галерија
Наводи
Надворешни врски
Категорија:Каменоломка Категорија:Флора на Македонија Категорија:Флора на Европа