Жолта барска тиква (науч. Nuphar lutea) е водно растение од семејството водни божури, Nymphaeaceae, по потекло од северните умерени и некои суптропски региони на Европа, северозападна Африка и западна Азија. Овој вид се користел како извор на храна и во медицински практики уште од праисторијата, со потенцијални истражувања и медицински примени во иднина.
Опис Многугодишно тревесто растение со ризом дебел 3-8 см. Листовите пливаат по површината на водата, зелени, големи и долги до 30 см. Цветовите се 3-5 см во пречник, со долги дршки, издигнати над површината на водата, имаат мирис на алкохол.Кирил Мицевски: Флора на СР Македонија, том 1, св. 1, стр. 90-91, МАНУ, Скопје, 1985
Во Македонија Во Македонија расте по мирни и бавно истечни води во котлините. Доста ретко растение, но масовно го има во Охридско и Преспанско Езеро. Порано овој вид растел и во Моноспитовско и Пелагонсико Блато, кои денес се исушени.
Таксономија Првпат бил опишан од Карл Линеј како Nymphaea lutea L. во 1753 година. Подоцна, бил префрлен во родот Nuphar Sm. како Nuphar lutea (L.) Sm. од Џејмс Едвард Смит во 1809 година. Тоа е типичен вид од својот род. Сместен е во делот Nuphar sect. Nuphar.
Разграничување на видовите Некои ботаничари го сметаат Nuphar lutea за единствен вид во Nuphar, вклучувајќи ги сите други видови во него како подвидови и давајќи му на видот холарктичен опсег.
Наводи
Надворешни врски
Меѓународното здружение за водни лилјани и водно градинарство и записите на Нуфар
Категорија:Флора на Африка Категорија:Флора на Европа Категорија:Флора на Македонија Категорија:Водни божури