Надводник () — рода водни растенија, еден од двата во семејството на надводниците (Elatinaceae). Опфаќа околу 25 видови годишни или повеќегодишни растенија што растат во мокри места ширум светот. Во Македонија се застапени два вида: пршленестиот (E. alsinastrum) и полегнатиот (E. triandra).
Опис Овие тревести растенија се присутни во влажни места или во вода. Листовите се спротивни или во пршлени, целокрајни, приседнати, или со куси дршки. Прилисниците се мали, ципести, од еден слој клетки. Цветовите поединечни во пазувите на листовите, приседнати или со куси дршки. Има 3 до 4 чашкини ливчиња, на врвот тапи, а во основата сраснати меѓу себе. Венечните ливчиња се 3 или 4, а кај подводните растенија може да отсуствуваат. Плодот обично е топчеста кутијка. Семките се прави или малку лачно искривени, со надолжни ребра и напречни брчки.
Видови По податок од декември 2021 г. базата Plants of the World Online ги прифаќа следниве видови:
Elatine alsinastrum L. — пршленест надводник Elatine ambigua Wight — азиски надводник Elatine americana (Pursh) Arn. — американски надводник Elatine brachysperma A.Gray — краткосемен надводник Elatine brochonii Clavaud Elatine californica A.Gray — калифорниски надводник Elatine campylosperma Seub. Elatine chilensis Gay — чилеански надводник Elatine ecuadoriensis Molau Elatine fassettiana Steyerm. Elatine fauquei Monod Elatine glaziovii Nied. Elatine gratioloides A.Cunn. Elatine gussonei (Sommier) Brullo, Lanfr., Pavone & Ronsisv. Elatine heterandra H.Mason — разнопрашнички надводник Elatine hexandra (Lapierre) DC. — шестпрашнички надводник Elatine hungarica Moesz — унгарски надводник Elatine hydropiper L. — осумпрашнички надводник Elatine lindbergii Rohrb. Elatine lorentziana Hunz. Elatine macrocalyx Albr. — големочашкест надводник Elatine macropoda Guss. — големоплоден надводник Elatine madagascariensis H.Perrier Elatine minima (Nutt.) Fisch. & C.A.Mey. — мал надводник Elatine ojibwayensis Garneau Elatine paramoana Schmidt-M. & Bernal Elatine peruviana Baehni & J.F.Macbr. Elatine rubella Rydb. — румен надводник Elatine spathulata Gorski Elatine triandra Schkuhr — полегнат надводник
Наводи
Надворешни врски
Категорија:Надводници