Џоел Мартин Халперн () (Њујорк, 8 април 1929 – Гринфилд, 4 јули 2019) — американски антрополог, етнолог и фотограф.
Животопис Роден е на 8 април 1929 г. во Њујорк, САД. Дипломирал историја на Мичигенскиот универзитет во 1950 г. Докторирал антропологија на Рускиот институт при универзитетот Колумбија, добивајќи го својот докторат во 1956 г. за проучување на с. Орашац, Шумадија, во тогашна Југославија. По две години работа во Лаос како службеник за теренска служба во Одделот за развој на заедницата на Администрацијата за меѓународна соработка на САД, Халперн станува член на Калифорнискиот универзитет во Лос Анџелес, Брандејс и на Рускиот истражувачки центар на Харвард (1965–1967) пред да прејде во UMass-Amherst во 1967 година, каде што предавал до своето пензионирање во 1993 г. Тој бил и повеќегодишен гостин-професор во Центарот за студии за Југоисточна Европа на Грачкиот универзитет во Австрија.
Халперн учествувал во бројни теренски истражувања и во Бугарија, Канада, Грција, Индија, Израел, поранешниот Советски Сојуз, Шведска, Тајланд, САД и Виетнам. На пределот во Македонија, Џоел, заедно со својата жена Барбара Керевски, направил фотографски посети во 1953, 1962, 1973 и 1978 г. во различни градови и села низ целата земја.
Творештво Халперн и неговата сопруга Барбара се автори и коавтори на голем број книги и стотици статии, како и поглавја во серија учебници по општествени науки за основно образование.
1959: Српско село (A Serbian village) 1961: Улогата на Кинезите во лаоското општество (The role of the Chinese in Lao Society) 1964: Влада, политика и општествена структура во Лаос. Студија за традицијата и иновациите (Government, politics, and social structure in Laos. A study of tradition and innovation) 1967: Променливата селска заедница (The Changing Village Community) 1972: Српско село во историска перспектива (A Serbian Village in Historical Perspective) 1974: Урбана антропологија. Воведна библиографија (Urban anthropology. An introductory bibliography) 1989: Далечниот Исток се приближува (Far East Comes Near)
Наводи
Надворешни врски
Joel Martin Halpern Papers
Категорија:Американски антрополози Категорија:Американски етнолози Категорија:Американски фотографи Категорија:Американски Евреи