Италијански плускавец (науч. Silene italica) е вид растение по потекло од Јужна Европа и делови од Азија. Исто така е воведено во делови од Соединетите Американски Држави и Северна Европа.
Silene italica е сличен на Silene nutans и содржи различни подвидови.
Опис Ова е многугодишно тревесто растение со силно разгранет приземен дел, од кој вертикално се издигаат голем број на цветни стебла. Стеблата се високи 20-80 см, во долниот дел влакнести, со влакна свртени надолу, а во горниот дел голи и лепливи. Соцветието е ретка метлица со наспрамни лепливи странични гранчиња. Чашката е цилиндрична, во горниот дел малку проширена, 14-20 мм долга, бела или црвеникава. Венечните ливчиња од горната страна се бели или кремаво бели, а на долната се црвеникави или зеленикави, длабоко насечени. Плодната кутијка е долга 8-10 мм, јајцевидна.
Подвидови Ова е список на подвидови за Silene Italica:
Silene italica subsp. italica Silene italica subsp. peloponnesiaca Silene italica subsp. sicula Silene italica subsp. coutinhoi Silene italica subsp. nemoralis Silene italica subsp. puberula
Распространетост и живеалиште „Plants of the World Online“ вели дека е автохтон на места како Албанија, Бугарија, Кипар, Италија, Шпанија, Иран, Италија, Грција, Турција, Украина, Југославија, Палестина, Туркменистан, Романија и Франција и дека е присутен на Корзика, Данска, Велика Британија и Германија, но не е автохтон.
Но, Меѓународниот центар за земјоделство и биолошки науки вели дека бил воведен во Белгија, а за првпат бил пријавен во 1918 година, а е присутен и во Австрија и Словачка.
Според Министерството за земјоделство на Соединетите Американски Држави, растението било воведено во Њу Џерси и Њујорк.
Во Македонија расте покрај грмушки, шуми, карпи и камењари од низините до 1500 метри надморска височина.
Наводи
Категорија:Плускавец (растение) Категорија:Флора на Македонија Категорија:Флора на Европа