Амандин Лејно (родена на 2 мај 1986 г. во Обена) е француска ракометарка, голман на Ѓер Ауди ЕТО и на француската репрезентацијата.
Кариера Клупска кариера Амандин Лејно започнала да тренира ракомет во родниот град Обенас во Франција, каде настапувала до 2003 година, а како јуниорка една сезона играла и во екипата на ДХБ Бург. Во 2004 година Лејно потпишала договор со најуспешниот француски клуб, Мец и на 18-годишна возраст ја започнала својата професионална карира. Во осум сезони поминати на голот на Мец, Лејно освоила шест титули шампион на Франција, седум титули во купот на лигата и една титула во францускиот куп. Таа била прогласена за најдобар голман во француското првенство во 2008 година.
Во март 2012, година Лејно потпишала за романскиот шампион Олчим Валча, но поради повреда на лигаментите на коленото не одиграла ниту еден официјален натпревар за романската екипа. Во март 2013 година, Лејно потпишала за Вардар. Заедно со клубот освоила пет титули во македонското првенство и Купот на Македонија. Исто така играла и пет пати по ред на фајнал форот од Лигата на шампионите, освојувајќи три трети места и две втори.
Во февруари 2018, потпишала едногодишен договор со унгарскиот Ѓер Ауди ЕТО.https://www.gol.mk/rakomet/lekip-otkriva-amandin-lejno-si-zaminuva-od-vardar-i-se-seli-vo-gjer gol.mk
Репрезентативна кариера Во репрезентацијата на Франција Лејно дебитирала во 2005 година, а по пензионирањето на Валери Никола во 2008 година, таа станала прв голман во француската репрезентација. Со репрезентацијата на Франција Лејно има сребро од СП 2008 во Кина и од СП 2011 во Бразил и 5. место на СП 2007 во Франција.
Од настапите на европските превенства, таа има 14. место на ЕП 2008 во Македонија и 5. место на ЕП 2010 во Норвешка и Данска. Амандин Лејно била дел од составот на Франција и на последните две олимпијади. На игрите во 2012 таа била трет најдобар голман на турнирот со процент на одбранети удари од 38%.
Наводи
Надворешни врски Профил на eurohandball
Категорија:Родени во 1986 година Категорија:Живи луѓе Категорија:Француски ракометарки Категорија:Ракометарки на Мец Категорија:Ракометарки на ЖРК Вардар Категорија:Ракометарки на Ѓер