„Излегол Дејан војвода“ — македонска народна песна. Песната е посветена на македонскиот револуционер Дејан војвода кој ја посетил Дебрца и ги начекал тамошните мајки растажени по нивните затворени деца во зандани во Солун. Песната има ајдутски карактер.
Текст -Никнала трева зелена, ми разлистала гората, излегол Дејан војвода, низ таа славна Дебарца, излегол Дејан војвода, со својта верна дружина.
До што е село прошетал, до девет мајки тој видел, до девет мајки тој видел, во црно сè облечени. До девет мајки тој видел, во црно сè облечени.
Бабо ле, стара мајчице, зошто во црно одите, зошто во црно одите, зошто црнина носите? Зошто во црно одите, зошто црнина носите?
Дејане, млади војвода, црна се чума зададе, децата ни ги однесе, Солуна в' затвор да лежат. Солуна в' затвор да лежат, од една па до сто-една.
Надворешни врски Излегол Дејан војвода (текст и музика) на pesna.org преку web.archive.org
Категорија:Македонски народни песни Категорија:Македонски родољубиви песни Категорија:Песни кои ја споменуваат Дебрца Категорија:Песни кои го споменуваат Солун