miniatura|Cabarèt con sushi dzora Ël sushi a l'é n'ansem ëd piat dla cusin-a giaponèisa con na base comun-a 'd ris e autri ingredient ch'a peulo armudé da la preparassion, coma pess (soens cru ma a vire cusù), lësca nori e euv.
Fòra dal Giapon la paròla a l'é soens dovrà për mostré ël pess cru, antratan ch'an Giapon l'ingredient prinsipal a l'é 'l ris.
Tipo Ij tipo 'd sushi a nasso dai diferent ingredient, forma, preparassion e fasson ant la qual a son combinà.
Makizushi miniatura|Futomaki ant lë sfond e hosomaki dnans Dij silìnder rolà grassie a un pcit tapis an bambù ciamà makisu. A l'é 'l tipo 'd sushi pi conossù da j'ossidentaj.
Futomaki: balotin-a silìndrica con nori (lësca) a l'esterion, auta 2-3 cm larga 4-5 cm, a l'ha pi ingredient andrinta, ch'as furnisso ansem. Hosomaki: balotin-a silìndrica con nori (lësca) a l'esterion, auta 2 cm larga 2 cm, a l'ha 'd sòlit mach un ingredient andrinta. Kappamaki: hosomaki con andrinta mach ël cocómber. Tekkamaki: hosomaki con andrinta mach ël tonn. Uramaki: balotin-a silìndrica con nori (lësca) andrinta, tra 'l sènter e l'esterion. A l'esterion a l'ha donch ël ris a vire guernì con euv 'd pess ò smens ëd sésem. miniatura|Doi temakiTemaki: cornèt con a l'esterion ël nori (lësca) e andrinta ris e j'autri ingredient.
Oshizushi Un blòch con seul 'd ris, pess e autri ingredient autërnà.
Nigirizushi A l'é formà da na balotin-a oval con dzora na fëtta 'd pess tajà sutila.
Gunkanmaki: particolar tipo 'd nigiri, a l'é formà da na balotin-a oval sircondà da nori (lësca) e dzora a l'é quatà da euv ëd pess (tobiko) ò 'd quaja.
Inarizushi miniatura|Inarizushi Sacòcia 'd tofu fricassà, ëd frità ò 'd feuje 'd còj e vempìa 'd ris e autri ingredient.
Chirashizushi Ris, pess e autri ingredient mess-cià ant un grilet.
Ingredient
Ris sushi A l'é preparà con ris bianch, doss a gran curt, lavà e cusù, peuj a l'é vagnà con asil ëd ris ant ël qual a son slovà sùcher e sal, kombu e sakè. A ven smasì a temprura anvironament prima d'esse mangià.
Ël ris dovrà a l'é dla qualità Japonica ch'a l'ha un sust diferent da cole mangià fòra dal Giapon. miniatura|Lësca nori
Nori Lësca nèira/verda mangiativa dovrà ant ij maki e temaki, an orìgin a l'era dëstacà da le pertìe dij pòrt giaponèis.
Frità Dovrà an preparassion 'mé sacòcia dël fukusazushi, a l'é cusùa ant na pèila retangolara për deje la forma.
Pess Ij tipo 'd pess dovrà a son tonn, salmon, anguila, sardin-e e autri pess tìpich. Ël pi soasì a l'é 'l tonn ross, an particolar soa ventrësca.
Crostassi e molusch Pòrpo, cravèt e ariss ëd mar.
Fërsaja Avocad e cocómber.
Euv Euv ëd quaja ò 'd pess, fondamentaj ant ël gunkan.
Bagne e condiment Bagna 'd sòja, wasabi (soens sostituì da pasta 'd crèn), gari (zènzer sot'asil) e mirin (sake doss) Categorìa:Mangé e bèive Categorìa:Mangé Categorìa:Cusin-a giaponèisa Categorìa:Cusin-a Categorìa:Pess