Андрей Бродий, Bródy András, Andrej Bródy, Андрій Іванович Бродій, *2. юл 1895, Кивяжд, жупа Берег, Мадярске кральовство – †7. децемберТот датум подавать официалный выпис матрикового уряда в Ужгородѣ, 1992. Але подля свѣдчѣнь його товариша в арештѣ, быв Бродий росстрѣляный уже 11. юла, што од родины довго скрывали. (Разгулов В., с. 4.) 1946, Ужгород, УССР) — подкарпатскый политик, новинарь, педагог в чехословацкой и другой мадярской добѣ.Довганич О. Д.Иван Поп.
Биография Увидѣв свѣт в родинѣ Ивана Бродия, заможного селянина. По закончѣню Ужгородской учительской семинарии (1914) достав роботу учителя во Великом Бычковѣ. Мобилизованый в зачатку войны, зостав на фронтѣ раненый и быв демобилизованый в шаржи поручника. По войнѣ быв едным зо закладательох партии Автономный Земледѣлскый Союз (АЗС), а по смерти ей первого предсѣдателя, Ивана Куртяка (1933) стояв на челѣ партии до року 1944, а тыж представляв партию яко посланець в чехословацком парламентѣ. Вдякы свойой успѣшной политицѣ зыскав репутацию ведучого политика края и 8. октобра 1938 зъединены украинофилска и русофилска фракции ЦРНР сформовали сполочнѣ зложѣня автономной влады Подкарпатской Руси на челѣ з Бродием и подали до Прагы, де 11. октобра 1938 быв схваленый, а 12. октобра нова автономна влада уже активно зачала свою чинность в Ужгородѣ. Але необычайна активность кабинета Бродия, котрый зачав неодкладно рѣшати вопрос о границях Подкарпатской Руси, пославши переговорных делегатох до Будапешта, Пряшова, Комарна, Берлина велми ся не любила Празѣ о то веце, же границѣ русинского края означовав од Попрада до Тисы, а вопрос териториалной належности хотѣв рѣшати плебисцитом.Fedinec Csilla Не была така перспектива ани в планах Берлина, зато быв Бродий в Празѣ 26. октобра 1938 арештованый и обвиненый з державной зрады, а його кабинет роспущеный и вымѣненый на чисто украинофилску владу на челѣ з Августином Волошином. 15. фебруара 1939 быв выпущеный з тюрмы Панкрац, дякуючи амнестии, котру выголосила Волошинова влада з нагоды успѣшных выберанок, котры ся одбыли 12. фебруара. Прияв го президент Емил Гаха, перебачив ся и послав за державны грошѣ лѣчити ся в Татры. 5. марца 1939 Бродий прийшов до Ужгороду, де го стрѣчала рояниця прихылникох, перед котрыма выступив и повѣв, же по спочивку верне ся до политикы. В маю 1939 быв кооптованый до мадярского парламента, де ся дале добивав автономии. В маю 1945 арештованый органами СМЕРШ.Данилюк Д. Д., Вегеш М. М. Закарпатскый областный суд в процесѣ, котрый ся одбыв 4.–25. мая 1946, засудив Андрея Бродия и еще двох його колег, посланцьох мадярского парламента, на смерть; в обвинительном словѣ были охарактеризованы як «мерзкие носители исторического зла, проклятые каины, сознательные гробокопатели закарпатоукраинского народа, ...мерзкие изменники». Разгулов В., сс. 7–8. Скараный 11. юла 1946, подля официалного документа 7. децембра 1946.Разгулов В., с. 4. 27. децембра 1991 регабилитованый.
Политична чинность Андрей Бродий и его партия стали ся главнов опозичнов политичнов силов, котра добивала ся од чехословацкой влады реализации автономии Подкарпатской Руси подля Сен-Жерменского договора, а в той политицѣ го подпоровала ай мадярска влада, котра доконця ай финанчно подтримовала партию. Бродий критизовав чешску политику в парламентѣ в блоку з мадярскыма посланцями, а його остры выступы добыли му в Подкарпатю велику популарность. В року 1938 ситуация стала ся критична: автономию жадали Словаци, Нѣмцѣ, Русины и Мадяре, а их жаданя, основане на Сен-Жерменском договорѣ, подпоровали и авторитетны меджинародны силы. Програма АЗС обсяговала конкретны економичны жаданя, котры были в интересах селян, и так партия зыскала подтримку не лем политичнов програмов, але и економичнов. Бродий, ставши на чело влады, проводив политичну чинность отворено, информуючи о каждом кроку влады заинтересованы державы, операючи ся на меджинародне право. Выхоснововав тыж партийны выданя. Русский Вѣстник 17. апрѣля 1930 в статьѣ Что есть съ автономіей Подкарпатской Руси? пише, же треба просити помочь меджинародных форумох, жебы заставити владу дати автономию, а 11. септембра 1930 публикуе петицию ку Лизѣ Народох под наголовком Подкарпатская Русь передъ Лигою Націй, в котрой пише: «Мы хочеме быти хозяевами нашей родной землѣ».Taskovics Okszana, с. 22. Чехословацка влада таку чинность на меджинародном полю поважовала за штатну зраду, але тота отвореность приспѣла и ку тому, же, коли быв Бродий арештованый, под меджинародным тиском мусѣла го влада выслободити.
Новинарство и литература Менше познатый Андрей Броди як новинарь, публициста и писатель. Як литератор, быв он членом предсѣдництва Общества А. Духновича, редактором недовго живших сатиричного журнала Tyukody pajtás (1920) и политичного денника Kárpáti futár (1921–1924), официалного органа АЗС Русскій вѣстник (1923–1933). Його партия и особнѣ Бродий доставали финанчну помочь на публикации од Будапешта, авшак наперек тверджѣням совѣтской пропаганды агентом мадярскых тайных служб Бродий не быв, скорше «агентом интересох». В далшых роках выступовав активно яко публициста в русскоязычных новинках Русская правда (1939–1940) и Русское слово (1940–1944).
В року 2019 в ужгородском выдавательствѣ В. Падяка выйшла гра Шпекуланты Андрея Бродия яко факсимилне перевыданя оригиналной окремой книжочкы з року 1932. Иде там о шмукель з цигаретликами, циже темѣ, актуалной доднесь. Што до литературной творчости Бродия, в новом универзитном учебнику В. Падяка Історія карпаторусинського національного театру та драматургії (Пряшов, 2018) она высоко оцѣнена, а гра Шпекуланты уже рекомендована штудентам русинскых оддѣлѣнь на универзитах як учебный текст при штудиях темы Литературный процес медживоенного часу.Національний лідер та письменник А. Бродій: із небуття – у класики карпаторусинської літератури.
Жерела и одказы Fedinec Csilla: A kárpátaljai magyarság történeti kronológiája 1918–1944, Fórum Intézet, Galánta–Dunaszerdahely, 2002, , pp. 289–292 (A Bródy-kormány c. fejezet) Одчитане: 2020-06-27 Taskovics Okszana: Ungvár orosz nyelve. / Русский язык г. Ужгорода в свете местной русскоязычной прессы (1918-1938). Doktori disszertáció. Eötvös Loránd Tudományegyetem, Bölcsészettudományi Kar. Budapest, 2013 Одчитане: 2020-06-29 Віднянський С.В.: БРОДІЙ Андрій Іванович // Енциклопедія історії України: Т. 1: А-В / Редкол.: В. А. Смолій (голова) та ін. НАН України. Інститут історії України. — К.: В-во "Наукова думка", 2003. — 688 с.: іл. . Одчитане: 2020-06-27 С. 379.
Довганич О. Д.: Бродій Андрій Іванович //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О.Д. — Ужгород: «Гражда», 2007 — 400 c. С. 58. Иван Поп: Броди Андрей // Поп, Иван. Энциклопедия Подкарпатской Руси. — Ужгород: Изд-во В.Падяка, 2001. — 431 с. С. 106. Валерий Разгулов: Белая книга. Карпатская панорама, 1999
Референции
Катеґорія:Чеськословеньскы політіци русиньской народности Катеґорія:Педаґоґы Катеґорія:Новинаре Катеґорія:Русинскы драматици Катеґорія:Посланцьове парламента Катеґорія:Персоналії подля алфавіту Катеґорія:Персоналии 20. стороча