Васи́ль (Ива́нович) Коме́ндарь, , Буштино, Подкарпатска Русь, Чехословакия – , Ужгород, Украина — ученый-биолог, професор, активный охранитель екологии Карпат.

Штудии Учив ся в державной народной школѣ в Буштинѣ (1931–1937), де его отець служив за беделуша. По ей закончѣню склав испыт и быв приятый до емигрантской русской реалной гимназии в Празѣ. Роспад Чехословацкой републикы и закрытя пражской гимназии в року 1939 вымусили го вернути ся и продовжити науку на гимназии в Хустѣ. Закончив гимназию в року 1946, уже при УССР, на тот час перетворену на середню школу №2 подля совѣтского взора, и продовжив штудии на новоствореной Ужгородской державной универзитѣ, на биологичной факултѣ, де выбрав собѣ шпецализацию на катедрѣ ботаникы. В року 1951 завершив высокошколскы штудии з дипломов во фаху: ботаник; учитель биологии и хемии.Стецяк І. П.

Научна и педагогична робота Од року 1951 штудовав на ашпирантурѣ (фах геоботаника, Инштитут ботаникы АН УССР, Киев) под научным веджѣньом дописного члена АН УССР, доктора биологии, професора и в року 1954 успѣшно обгаив дизертачну роботу «Растительность горного хребта Черногора в Восточных Карпатах и её значение в народном хозяйстве», з чим зыскав ступѣнь кандидата биологичных наук во фаху геоботаника, ай того ж року зачав свою педагогичну карьеру яко старшый преподаватель катедры морфологии и систематикы ростлин.Петрус Ю. Ю., Кіш Р. Я. и др.

Од року 1957 — доцент, в роках  — ведучый катедры морфологии и систематикы ростлин Ужгородской универзиты (по часѣ перейменована на катедру ботаникы). В року 1970 з дизертациев «Приполонинские леса и стланики Украинских Карпат, их трансгенез, структурно-генетические связи с высокогорьем системы Карпат, Альп и Балкан» зыскав ступѣнь доктора биологичных наук, в 1971 — учену титулу професора. В роках  — декан биологичной факулты. В тых роках быв инициатором и промотором организации в Колочавѣ биологичной базы про лѣтнѣ практикы штудентох.М. Алмашій

Популаризатор наукы, еколог, етнограф Важна сфера чинности  — програма штудованя и охраны рѣдкостных и загроженых видох ростлин. Первым такым объектом штудий став ся Narcissus angustifolius Curt., што на практицѣ ся втѣлило в захрану уникатного нарцисового поля в Хустском районѣ. Тота програма ся стала основов научных штудий раритетных ростлин, котрых веце як 25 видох ослѣджовали премногы професоровы штуденты ай ашпиранты, што днесь уже ся характеризуе як «школа Комендаря». Под научным проводом успѣшно обгаили кандидатскы дизертации 24 ашпиранты, а еден ученый — докторску. Довъедна научный наробок професора чинить около 600 научных и научно-популарных статей, , еден учебник (в сполуавторствѣ) ай пять методичных приручок.

Во своих премногых буклетах, брожурах, книгах, радиорепортажах, выступах фурт поднимав остры проблемы захраны окружѣня, рѣдкостных видох, ай в морално-етичном аспектѣ. Надзвычайно новаторскым быв проект популарной телевизной програмы «Шовкова косиця» на областной телевизии, якого закладательом и ведучым быв . Его систематичны остры выступы мали великый сполоченскый резонанс. В роках стояв на челѣ Закарпатского областного оддѣлѣня Товаришства охраны природы. Интересовав ся и лѣчивыма ростлинами Карпат, котры суть придатны в народной и традичной медицинѣ ай газдовствѣ («Лікарські рослини Карпат». Уж., 1971; «Медоноси Карпат». Уж., 1975 (сполув­­автор)). Выпрацьовав и запатентовав биологично активный придаток Балзам Комендаря.

Окреме треба упомянути его етнографичны штудии, котры выклав в написаных ним языком легенд, передайох и былиць начерках, новелах и повѣданях «Зелені перлини Кар­­пат» (1985, сполув­автор), «Барвінок для майбутнього» (1987; 1999), «У мандри до шовкової косиці» (2009; вшиткы — Ужгород).Петрус Ю. Ю. Его книга о лѣчивых ростлинах Карпат обсягуе велике число народных назв ростлин, котры являють интерес и про етнографох, и про лексикографох.В. Комендар (2007)

З творбы

Жерела и одказы М. Алмашій: Комендар Василь Іванович //Алмашій, Михайло. Русинська педагогічна енциклопедія. — Ужгород: Карпатська Вежа, 2005. — 304 с. Петрус Ю. Ю., Кіш Р. Я., , , , , , , : Василь Іванович Комендар //Український ботанічний журнал, 2006, pdf Стецяк І. П.: Комендар Василь Іванович //

Референции

Категория:Учены Категория:Педаґоґы