Дзмі́трый Сцяпа́навіч Гу́сеў () — беларускі савецкі гаспадарчы, дзяржаўны і палітычны дзеяч. Супрацоўнік савецкіх спецслужбаў, удзельнік Вялікай Айчыннай вайны.
Біяграфія Нарадзіўся ў 1902 годзе ў вёсцы Жукава Таропецкага павета Пскоўскай губерніГусев, Дмитрий Степанович .
У 1923—1928 гадах знаходзіўся ў камсамоле. З 1924 года — на гаспадарчай, калгаснай і грамадскай працы. З сакавіка 1927 года — член УКП(б).
Працаваў загадчыкам агітацыйна-масавым аддзелам Себежскага раённага камітэта УКП(б) Пскоўскай губерні РСФСР, сакратаром калектыва УКП(б) ст. Себеж, партыйным арганізатарам УКП(б) куставай арганізацыі ст. Сушчава, намеснікам сакратара камітэта КП(б) Беларусі вузла ст. Віцебск.
З верасня 1937 года па красавік 1938 года — першы сакратар Віцебскага гарадскога камітэта КП(б) Беларусі. З 11 красавіка 1938 года па 31 мая 1938 года — другі сакратар Арганізацыйнага бюро ЦК КП(б)Б па Віцебскай вобласці. З 4 чэрвеня 1938 года па снежань 1938 года — другі сакратар Віцебскага абласнога камітэта КП(б) Беларусі.
Са снежня 1938 года — на працы ў Народным камісарыяце ўнутраных спраў БССР. Са снежня 1938 года па 31 студзеня 1939 года — начальнік палітычнага аддзела — в. а. намесніка начальніка Упраўлення рабоча-сялянскай міліцыі НКУС БССР па палітычнай частцы. З 1 ліпеня 1939 года па кастрычнік 1941 года — начальнік Упраўлення НКУС па Гомельскай вобласці. Пасля акупацыі Гомеля працаваў у Маскве.
З кастрычніка 1941 года па люты 1942 года — начальнік Упраўлення НКУС па Гармскай вобласці Таджыкскай ССР, часова выконваючы абавязкі начальніка аддзела па барацьбе з бандытызмам НКУС Таджыкскай ССР, працаваў у Сталінабадзе.
З лютага па кастрычнік 1942 года — начальнік УНКУС БССР Заходняга фронту. З кастрычніка 1942 па май 1943 года — намеснік кіраўніка аператыўнай чэкісцкай групы НКУС БССР Заходняга фронту.
З мая 1943 года па ліпень 1944 года — намеснік наркама НКДБ БССР па кадрах, працаваў у Падольску Маскоўскай вобласці, Гомелі. З ліпеня 1944 года працаваў у Мінску. У ліпені 1944 года — лютым 1948 года — намеснік наркама — Міністра НКДБ — Міністэрства дзяржаўнай бяспекі БССР.
З лютага 1948 года — намеснік начальніка Беларускага ўпраўлення Міністэрства працоўных рэзерваў СССР. З мая 1953 года — начальнік упраўлення арганізацыі набору рабочых пры Савеце Міністраў Беларускай ССР.
Дэлегат XVIII з’езда УКП(б).
Памёр пасля 1991 года.
Узнагароды Ордэн Чырвонай Зоркі (20.09.1943); ордэн Айчыннай вайны I ступені (15.08.1944); ордэн Чырвонага Сцяга (21.04.1945); знак «Заслужаны работнік НКУС» (17.04.1946); ордэн Айчыннай вайны II ступені (06.04.1985); тры медалі.
Крыніцы
Спасылкі Гусеў
Катэгорыя:Дэлегаты XVIII з’езда УКП(б) Катэгорыя:Другія сакратары Віцебскага абкама КП Беларусі Катэгорыя:Першыя сакратары Віцебскага гаркама КПБ Катэгорыя:Дэпутаты Вярхоўнага Савета БССР 1-га склікання Катэгорыя:Намеснікі народных камісараў БССР Катэгорыя:Намеснікі міністраў БССР Катэгорыя:Супрацоўнікі Міністэрства дзяржаўнай бяспекі БССР Катэгорыя:Ганаровыя супрацоўнікі дзяржбяспекі