Bushmaster — аўстралійскі бронетранспарцёр, распрацаваны фірмай ADI.
Гісторыя стварэння Bushmaster з колавай формулай 4х4 распрацаваны ADI (аўстралійская кампанія, якая пазней стала аўстралійскім філіялам транснацыянальнай кампаніі Thales). У сакавіку 1991 года бранявік перамог у міжнародным конкурсе паміж праектамі мабільных машын пяхоты, і пазней быў прыняты на ўзбраенне Аўстраліі.
Доследны ўзор Bushmaster быў выраблены ў 1996 годзе.
Аўстралійскай арміі патрабавалася машына для перавозкі войскаў і тэхнікі на вялікія адлегласці, выкарыстанне ў баі не прадугледжвалася. Быў заключаны кантракт на пастаўку 370 адзінак на суму 118 млн долараў ЗША (180 млн аўстралійскіх долараў). Першыя 11 машын Bushmaster прайшлі серыю шырокіх выпрабаванняў з сярэдзіны 2003 да сярэдзіны 2004 года.
Масавае вытворчасць пачалася з 2005 года з разліку адзін аўтамабіль кожныя два дні.
Апісанне Доступ у машыну ажыццяўляўся праз дзверы ў кармавым бронелісце корпуса, у даху салона 5 люкаў. Перад пярэднім люкам гняздо пад кулямёт 5,56 або 7,62 мм, па бартах блокі дымавых гранатамётаў.
Стандартная канфігурацыя Bushmaster забяспечвае абарону экіпажа ад 7,62 мм і 5,56 мм куль стралковай зброі і супрацьпяхотных мін (да 9,5 кг тратылавага эквіваленту). Гэты ўзровень абароны можа абнаўляцца і настройвацца пад канкрэтныя патрабаванні заказчыка.
У бронетранспарцёры выкарыстоўваюцца, дзе гэта магчыма, стандартныя аўтамабільныя сістэмы, сярод ключавых пастаўшчыкоў — Caterpillar, Fabco, Meritor і ZF.
Стандартнае абсталяванне ўключае ўзмацняльнік руля, пастаянны поўны прывад на чатыры колы, цэнтральную сістэму падпампоўкі шын, фліпы для руху на спушчанай шыне, незалежную падвеску са спружыннымі рысорамі, дыскавыя тармазы, асобныя месцы для размяшчэння да 10 чалавек (уключаючы вадзіцеля), куленепрабівальныя вокны, паасобную сістэму кандыцыянавання і гідраўлічную лябёдку, якая можа быць выкарыстана як у пярэдняй, так і ў задняй частцы машыны.
Трансмісія — сяміступеністы аўтамат Allison MD-3070 PT.
Суцэльны зварны сталёвы корпус Bushmaster мае ўнутраны аб’ём больш за 8 кубічных метраў.
Бронеаўтамабіль спраектаваны з улікам магчымасці перавозкі ваенна-транспартнымі самалётамі C-130.
Варыянты У дадатак да версіі БТР створана пяць іншых варыянтаў: медыцынская машына, машына агнявой падтрымкі, 81-мм мінамёт, інжынерная і камандзірская.
На ўзбраенні
Армія Аўстраліі — 1020 адзінак на 2019 годThe Military Balance 2019,p.249 Лясная служба — 15 адзінак на 2016 год — 3 адзінкі на 2019 годThe Military Balance 2019,p.273 — 92 адзінкі на 2024 годThe Military Balance 2024. — P. 120. — 10 адзінак на 2019 годThe Military Balance 2019,p.266 — 12 адзінак на 2019The Military Balance 2019,p.420 — 8 адзінак на 2019 годThe Military Balance 2019,p.277 — 75 адзінак на 2024 годThe Military Balance 2024. — P. 214. — 24 адзінкі на 2008 год
Баявое прымяненне
Два доследныя бронеаўтамабілі былі адпраўленыя ва Усходні Тымор у складзе аўстралійскага кантынгенту міжнародных сіл па падтрыманні міру. Ужываўся арміяй Нідэрландаў падчас ваенных дзеянняў супраць талібаў у Афганістане ў 2000-х гадах. Да 6 машын было страчана ў ходзе баявых дзеянняў. Яшчэ адна была пашкоджаная.
Дзевяноста адзінак былі перададзеныя Аўстраліяй Узброеным сілам Украіны падчас уварвання Расіі на Украіну.
Крыніцы
Літаратура
BUSHMASTER — заштитено мобилно возило на австралиската армиjа // «Штит», № 119, септември 2020. стр.36-39
Спасылкі
Bushmaster на Army Guide БТР ADI Bushmaster (Австралия)
Катэгорыя:Вікіпедыя:Артыкулы са спасылкамі на элементы Вікіданых без беларускага подпісу Катэгорыя:Бронеаўтамабілі паводле алфавіта