«Задача трох цел» () — амерыканскі навукова-фантастычны серыял Дэвіда Беніёфа, Д. Б. Уайса і Аляксандра Ву, створаны па матывах трылогіі кітайскага пісьменніка Лю Цысіня «Успаміны пра мінулае Зямлі».
Прэм’ера першага сезону адбылася 21 сакавіка 2024 года на стрымінгавай платформе Netflix.
У траўні 2024 года было абвешчана пра працяг серыялу на другі і трэці сезоны.
Сюжэт 1967 год. Астрафізік Е Вэньцзэ працуе ў сакрэтнай кітайскай праграме, мэтай якой звязацца з іншапланетнымі цывілізацыямі.
2024 год. Адбываецца серыя загадкавых самагубстваў навукоўцаў. Адна з іх пачынае бачыць лічбы зваротнага адліку, а другой трапляе ў рукі загадкавы высокатэхналагічны шлем віртуальнай рэальнасці. Ён запускае відэагульню, у якой трэба выратаваць цывілізацыю, развязаўшы задачу трох цел — трох сонцаў, якія час ад часу знішчаюць далёкую планету.
У ролях
У галоўных ролях
Джован Адэпа — Сол Дзюранд Джон Брэдлі — Джэк Руні Разалінд Чао — Е Вэньцзэ Ліям Канінгем — Томас Уэйд Эйса Гансалес — Аўгуціна «Огі» Салазар Джэс Хонг — Цзынь Чэн Марло Кэлі — Таццяна Хаас Алекс Шарп — Уіл Даўнінг Сі Сімука — Сафон Зін Цзэн — Е Вэньцзэ ў юнацтве Саамер Усмані — Прытхвірадж «Радж» Варма Бенедыкт Вонг — Клерэнс «Да» Шы Джонатан Прайс — Майк Эванс
У другіх ролях
Ведэт Лім — Вера Е Іў Рыдлі — Паслядоўнік Бен Шнетцэр — Майк Эванс у юнацтве Джон Дагліш — Фелікс Джэрард Манака — Колінз Эдрыян Эдмандсан — Дзяніс Порлак Сі Сі Эйч Паўндэр — Генеральны сакратар ААН Ліліян Джозеф
Водгукі Паводле агрэгатара водгукаў Rotten Tomatoes, серыял атрымаў 79 % станоўчых рэцэнзій і сярэднюю ацэнку 6,9 з 10 на падставе 112 водгукаў крытыкаў. Metacritic прысвоіў серыялу адзнаку 70 са 100 на падставе 41 водгуку, што азначае «ў асноўным станоўчыя водгукі».
Крыніцы