Ángela Portero Capdevila, nada en Santiago de Compostela o 7 de marzo de 1966¿Quién es Ángela Portero?, en Libertad Digital o 4 de febreiro de 2015 ., é unha xornalista especializada na prensa do corazón e escritora galega en lingua castelá. Como profesional do xornalismo, está ligada principalmente ás cadeas de ámbito estatal Telecinco e Antena 3.
Traxectoria Naceu en Santiago de Compostela mais medrou en Donostia. Dende alí trasladouse a Madrid cando chegou á Facultade de Ciencias da Información de Madrid. Estivo no Colexio Maior Padre Poveda de Madrid. Unha vez acabada a súa carreira, obtivo un máster en Comunicación de Masas na Universidade Carleton en Otava, no Canadá. Anos máis tarde, fundou coa xornalista Paloma García-Pelayo a Axencia Korpa.
Colaborou en programas de televisión como Salsa Rosa, A tu lado, Día a día, ¿Dónde estás corazón? ou Sábado Dolce Vita. En 2014 participou na segunda edición do talent show Mira quién salta. Máis tarde, empezou a colaborar no programa Sálvame semanalmente, en De buena ley esporadicamente e a ser redactora na revista Sálvame.
Notas
Categoría:Nados en 1966 Categoría:Nados en Santiago de Compostela Categoría:Xornalistas de Santiago de Compostela Categoría:Presentadores de televisión de Galicia Categoría:Personalidades de Galicia sen imaxes Categoría:Alumnos da Universidade Central de Madrid