Coahuilasaurus é un xénero fósil de ornitópodo kritosaurino que viviu a finais do período Cretáceo, hai arredor de 72 millóns de anos, durante o Campaniano, no que hoxe é América do Norte. O seus fósiles foron atopados na Formación Cerro del Pueblo do Cretáceo superior de Coahuila, México. É coñecido a partir das puntas asociadas da mandíbula superior e inferior e outros osos fragmentarios do cranio.
Descubrimento e investigación esquerda|miniatura|Cranio reconstruído. O espécime holotipo, IGM 6685, é un cranio parcial. Orixinalmente pensouse que pertencía ao mesmo xénero que PASAC 1, un grande espécime sen nome coñecido como "hadrosáurido de Sabinas", pero esta asignación foi despois rexeitada. Posteriormente asignóuselle a IGM 6685 como un espécime de Kritosaurus.
Posteriormente, IGM 6685 foi nomeado como un novo xénero e especie de hadrosáurido kritosaurino en 2024. O nome xenérico, Coahuilasaurus, honra ao estado de Coahuila, México, onde se atoparon os fósiles. O nome específico, lipani, honra aos Lépai-Ndé ou Lipani, unha nación de apaches nativos americanos coñecidos na zona.
Notas
Categoría:Dinosauros