Victoria Cirlot Valenzuela, nada en Barcelona o 9 de abril de 1955, é unha filóloga e tradutora española, experta na cultura e a literatura medievais.
Traxectoria Foi catedrática e Filoloxía Románica na Universidade Pompeu Fabra de Barcelona, así como directora do Instituto Universitario de Cultura desa mesma institución.
As súas investigacións céntranse no estudo da Idade Media, a cultura dos cabaleiros e a mística. Traduciu varias novelas artúricas dos séculos XII e XIII do francés antigo, como Perlesvaus ou El alto libro del Grial, e pezas da lírica trobadoresca. Entre os seus estudos sobre a materia de Bretaña destaca Figuras del destino: mitos y símbolos de la Europa medieval. No ámbito da mística medieval, ocupouse da figura de Hildegarda de Bingen en libros como La mirada interior: escritoras místicas y visionarias de la Edad Media. Ademais, realizou estudos comparativos co século XX, como Hildegard von Bingen y la tradición visionaria de Occidente e La visión abierta: el mito del Grial y el surrealismo.
É directora da colección El Árbol del Paraíso da editorial Siruela e coordinadora do grupo de investigación da Bibliotheca Mystica et Philosophica Alois M. Haas. Tamén editou a obra do seu pai, o poeta Juan Eduardo Cirlot, autor dun Diccionario de símbolos.
Os seus principais eidos de traballo son a literatura medieval, a teoría da literatura e a literatura comparada.
Publicacións
Notas
Categoría:Nados en Barcelona Categoría:Catedráticos da Universidade Pompeu Fabra Categoría:Nados en 1955