O Samsung Galaxy S20+ é un teléfono intelixente Android de gama alta. Foi presentado o 11 de febreiro de 2020 e lanzado o 13 de marzo do mesmo ano con Android 10 e a capa de personalización One UI 2.
Inclúe un procesador Exynos 990 de oito núcleos e unha pantalla AMOLED de 6,7 polgadas cunha frecuencia de actualización de 120 Hz. Ofrece entre 8 e 12 GB de RAM e está dispoñible en varias opcións de almacenamento interno: 128 GB e 512 GB. É compatible con 5G. O teléfono ten catro cámaras traseiras: unha cámara principal de 12 MP, un teleobxectivo de 64 MP e un ultra gran angular de 12 MP, que inclúe un sensor de profundidade. A cámara frontal ten unha resolución de 12 MP.
Ten unha batería de 4500 mAh e admite carga rápida e sen fíos de 25 W. O S20+ incorpora un sensor de impresión dixital en pantalla e recoñecemento facial. Ten a certificación IP68, o que o fai resistente á auga e ao po.
Notas
Véxase tamén Outros artigos Samsung Galaxy S20
Categoría:Samsung Galaxy