Дејвид Тјулис (, роден како Дејвид Вилер; р. 20 март 1963 во Блекпул, Ланкашир, Англија) — англиски глумец, режисер, сценарист и писател. Најпознат е по улогите во серијалот филмови за „Хари Потер“ (како Римус Лупин), како и во филмовите „Голи“ (Џони), „Момчето во пижами со риги“ (Ралф), „Опсада“ (Џејсон Кински), „Седум години на Тибет“ (Питер Ауфшрајтер), „Целосно помрачување“ (Пол Верлен), како и во телевизиската серија „Фарго“ (В. М. Варга).

Животопис

Детство и младост Дејвид Тјулис е роден во приморскиот град Блекпул во грофовијата Ланкашир, како второ од трите деца во семејството на Алек Рејмонд Вилер и Морин (моминско презиме Тјулис). Неговите родители држеле мала продавница каде во лето продавале играчки, а во зима тапети и бои. Во младоста, Дејвид бил член на рок-групата „QED“, со која настапувал во хотелите во Блекпул за да заработи пари за нова музичка опрема и првото студиско снимање.

Подоцна станал водечки гитарист на панк-рок групата „Door 66“, со која заминал во Лондон. Таму, следејќи го примерот на своите колеги од музичката група, решил да ја смени кариерата и се запишал на Гилдхоловата школа за музика и драма, каде дипломирал во 1984 г. Кога сакал да се регистрира во Синдикатот на глумци, открил дека името „Дејвид Вилер“ веќе постои во базата на податоци. Морал да избере псевдоним и го избрал моминското презиме на мајка си.

Кариера По завршувањето на студиите, некое време настапувал во театар. Негова прва глумечка работа била улога во театарската претстава за Бади Холи во едно од студијата во Гринвич.

Пробивот на Тјулис на киноплатното се случил во 1993 г. со филмот „Голи“ во режија на Мајк Ли. За улогата на уличниот филозоф Џони, бил прогласен за најдобар глумец од неколку критичарски здруженија и ја добил наградата на Канскиот филмски фестивал. Истата година се појавил на телевизија во серијата „Главниот осомничен 3“ покрај Хелен Мирен.

Во текот на 1990-тите, Тјулис снимал бројни филмови, меѓу кои: „Враќањето на монархијата“ (1995), „Црниот убавец“ (1994), „Целосно помрачување“ (1995), „Островот на д-р Моро“ (1996), „Змејско срце“ (1996), „Седум години на Тибет“ (1997) и „Опсада“ (1998).

Тјулис се пријавил на проба за улогата на професорот Квирел во „Хари Потер и Каменот на мудроста“, но улогата ја добил Ијан Харт. Меѓутоа, во 2004 г., режисерот Алфонсо Куарон го избрал за улогата на Римус Лупин во „Хари Потер и затвореникот од Азкабан“ без проба. Оваа улога ја толкувал и во четирите следни продолженија.

Во 2000-тите, Тјулис се појавил во филмовите „Небесно Царство“ (2005) на Ридли Скот, „Новиот свет“ (2005) на Теренс Малик и „Предвесник“ (2006). Во 2008 г. ја толкувал улогата на командант на нацистички логор во „Момчето во пижами со риги“, а во 2009 г. улогата на управник на психијатриска болница во „Вероника реши да умре“.

Тјулис работи и како режисер и сценарист. Бил номиниран за наградата БАФТА за краткиот филм „Здраво, здраво, здраво“ (1995), а во 2003 г. го напишал сценариото и го режирал филмот „Cheeky“, каде ја играл и главната улога.

Филмографија Година Македонски наслов Изворен наслов Улога 1986 — The Singing Detective втор војник 1987 Пат Road Џои 1987 — The Short & Curlies Клајв 1988 — A Bit of a Do Пол Симкок 1988 Врум Vroom Ринг 1988 Малата Дорит Little Dorrit Џорџ Брадл 1989 Воскреснат Resurrected Кевин Дикин 1990 Освен портокали, има и друго овошје Oranges Are Not the Only Fruit лекар 1990 Слаткиот живот Life is Sweet љубовник на Никола 1991 Страв од темнината Afraid of the Dark бравар / Том Милер 1992 — Swords at Teatime Мајкл 1992 Штета Damage детектив 1993 Процес The Trial Франц 1993 Голи Naked Џони 1993 Главниот осомничен 3 Prime Suspect 3 Џејмс Џексон 1994 Црниот убавец Black Beauty Џери Баркер 1995 Целосно помрачување Total Eclipse Пол Верлен 1995 Враќањето на монархијата Restoration Џон Пирс 1996 Џејмс и џиновската праска James and the Giant Peach црв (глас) 1996 Змејско срце DragonHeart крал Ајнон 1996 Островот на д-р Моро The Island of Dr. Moreau Едвард Даглас 1997 Седум години на Тибет Seven Years in Tibet Петер Ауфшнајтер 1997 Американско совршенство American Perfect Сантини 1998 Големиот Лебовски The Big Lebowski Нокс Харингтон 1998 — Divorcing Jack Ден Старки 1998 Опсада Besieged Џејсон Кински 1999 Што се случи со Харолд Смит? Whatever Happened to Harold Smith? Кејт Несбит 2000 — The Miracle Maker Јуда Искариот (глас) 2000 Гангстер број 1 Gangster No. 1 Фреди Мејс 2000 — Beckett on Film Клов 2001 Збогум, Чарли Брајт Goodbye Charlie Bright татко на Чарли 2002 — D.I.Y. Hard маж 2002 Динотопија Dinotopia Сајрус Креб 2003 — Cheeky Хари Сенки 2003 — Timeline Роберт Донигер 2004 Хари Потер и затвореникот од Азкабан Harry Potter and the Prisoner of Azkaban Римус Лупин 2005 Небесно Царство Kingdom of Heaven витез болничар 2005 — All the Invisible Children Џонатан 2005 Новиот свет The New World Едвард Вингфилд 2006 Основен инстинкт 2 Basic Instinct 2 Рој Вошбурн 2006 Предвесник The Omen Кит Џенингс 2007 Хари Потер и Редот на фениксот Harry Potter and the Order of the Phoenix Римус Лупин 2007 Внатрешниот живот на Мартин Фрост The Inner Life of Martin Frost Мартин Фрост 2008 Момчето во пижами со риги The Boy in the Striped Pyjamas Ралф (татко) 2009 Хари Потер и Полукрвниот Принц Harry Potter and the Half-Blood Prince Римус Лупин 2009 Вероника реши да умре Veronika Decides to Die д-р Блејк 2010 Господин Џоинт Mr. Nice Џим Мекан 2010 Лондонски булевар London Boulevard Џордан 2010 Хари Потер и даровите на смртта Harry Potter and the Deathly Hallows – Part 1 Римус Лупин 2011 Хари Потер и даровите на смртта 2 Harry Potter and the Deathly Hallows – Part 2 Римус Лупин 2011 — The Organ Grinder's Monkey Пабло 2011 Анонимус Anonymous Вилијам Сесил 2011 Дама The Lady Мајкл Ејрис 2011 Воениот коњ War Horse Лајонс 2012 — Separate We Come, Separate We Go Норман 2013 Ред 2 RED 2 Жабарот 2013 — The Zero Theorem Џоби 2013 Петтата сила The Fifth Estate Ник Дејвис 2014 Лудницата Стоунхрст Stonehearst Asylum Мики Фин 2014 Теоријата на сѐ The Theory of Everything Денис Сиама 2014 Кралица и земја Queen & Country Бредли 2015 Макбет Macbeth крал Данкан 2015 Легенда Legend Лесли Пејн 2015 Аномалиса Anomalisa Мајкл Стоун (глас) 2015 Регресија Regression Кенет Рејнс 2015 — An Inspector Calls инспектор Гул 2017 Чудесната Жена Wonder Woman Арес 2017 Фарго Fargo В. М. Варга 2017 Лига на правдата Justice League Арес 2018 Само морето знае The Mercy Родни Халворт 2020 Размислувам да му раскинам I'm Thinking of Ending Things таткото на Џејк 2020 — Barkskins Клод Трепањи 2021 — Landscapers Кристофер Едвардс 2022 Песочниот Човек The Sandman Џон Ди / Доктор Судбина 2022 Енола Холмс 2 Enola Holmes 2 инспектор Грејл 2023 — Amazing Maurice кралот на стаорците (глас) 2023 — The Artful Dodger Фејгин 2024 Каос Kaos Аид 2025 Шерлок и ќерката Sherlock & Daughter Шерлок Холмс 2025 Аватар: Оган и пепел Avatar: Fire and Ash Пејлак

Наводи

Надворешни врски

Категорија:Родени на 20 март Категорија:Родени во 1963 година Категорија:Британски режисери Категорија:Англиски глумци