Црни габри (науч. Ostrya) ― род од осум до десет мали листопадни видови дрвја кои припаѓаат на семејството брези, Betulaceae.
Родот е автохтон во јужна Европа, југозападна и источна Азија и Северна и Централна Америка. Во Македонија од овој род расте само еден вид, Ostrya carpinifolia.
Опис Тие имаат конусна или неправилна круна и лушпеста, груба кора. Имаат наизменични и двозапчести листови слични на бреза 3–10 см долги. Цветовите се појавуваат напролет, со машки ресички 5–10 см долги и женски реси 2–5 см долги. Плодовите се формираат во висечки гроздови од 3–8 см долги со 6–20 семки, а секое семче е мал оревест плод од 2–4 долг мм, целосно затворен во обвивка слична на прицветник.
Видовите Ostrya се домаќини на ларви од разни видови пеперуги, обезбедуваат храна за Operophtera brumata, Amorpha juglandis и Coleophora ostryae.
Видови Ostrya ги има следниве видови: Ostrya carpinifolia Scop. Ostrya chisosensis Correll Ostrya japonica Sarg. Ostrya knowltonii Coville Ostrya multinervis Rehd. Ostrya rehderiana Chun Ostrya trichocarpa D.Fang & Y.S.Wang Ostrya virginiana (Mill.) K. Koch Ostrya yunnanensis W.K.Hu †Ostrya oregoniana (фосил) †Ostrya scholzii (фосил)
Фосилни записи † Фосилните семиња на Ostrya scholzii од хатската фаза, олигоцен, се познати од формацијата Оберлајхтерсбах во планините Рен, централна Германија.
Наводи
Надворешни врски
Категорија:Статии со микроформати за вид Категорија:Флора на Македонија