Врболистови (науч. Lythraceae) — фамилија на скриеносемени растенија што вклучува 28 рода и околу 620 видови билки, грмушки и дрвја. Поголемите родови што се вклучени се: Cuphea (275 видови), Lagerstroemia (56), Ammannia (50), Rotala (45) и Lythrumврболи (38). Исто така, ги вклучува и членовите на поранешните семејства на калинката (Punica granatum, порано во Punicaceae) и на водното оревче (Trapa natans, порано во Trapaceae). Врболистовите имаат светска распространетост, со повеќето видови во тропските предели, но се протегаат и во региони со умерена клима.
Карактеристики Видовите врболистови најчесто се билки, а поретко грмушки или дрвја; грмушките и дрвјата често имаат лушпеста кора. Карактеристики што ги делат видовите во рамките на врболистови, а кои ги разликуваат од припадноста на други растителни семејства, се збрчканите ливчиња во пупката и повеќеслојната надворешна обвивка на семето.
Распространетост Врболистовите се широко распространети, но повеќето видови живеат во тропски и некои во умерени климатски услови. Тие се отсутни од Сахарата и најсушните региони на Австралија. Многу видови се јавуваат во водни или полуводни живеалишта (Decodon verticillatus, Didiplis, Rotala, Sonneratia, Trapa). Најстарите фосили од семејството се пронајдени во Вајоминг во западна Северна Америка, стари околу 82 до 81 милиони години.
Економско значење Во фамилијата се среќаваат повеќе видови со јадливи или стопански значајни делови. Меѓу јадливите растенија се калинката и водното оревче. Кај калинката се користат месестите семени обвивки што ги обвиткуваат семките, додека кај водното оревче се јадат семките. К'ната (Lawsonia inermis) се одгледува поради бојата што се добива од нејзините листови.
Многу видови од фамилијата се одгледуваат и како декоративни растенија, особено претставници од родовите Cuphea, Lagerstroemia и Lythrum.
Од друга страна, обичниот врболист (Lythrum salicaria) е инвазивен егзотичен вид кој се смета за плевел во мочуришните подрачја на Канада и САД.
Таксономија Во рамките на редот Myrtales, семејството Lythraceae е најтесно сродно со семејството Onagraceae, додека Combretaceae се смета за сестринска група на кладата што ги опфаќа Lythraceae и Onagraceae. Молекуларно-филогенетските истражувања довеле до проширување на семејството Lythraceae со вклучување на неколку порано признаени одделни семејства, меѓу кои Duabangaceae, Punicaceae, Sonneratiaceae и Trapaceae.
Родови Врболистовите се состојат од 28 родови во пет подфамилии:
Подфамилија Lythroideae de Jussieu ex Walker-Arnott, 1832 — (поранешно Lythraceae sensu stricto)
Adenaria Ammannia — (синоним Crenea , Hionanthera , и Nesaea ) Capuronia Cuphea Decodon Didiplis Diplusodon Galpinia Ginoria — (синоним Haitia ) Gyrosphragma Heimia Koehneria Lafoensia Lagerstroemia Lawsonia Lourtella Lythrum Pehria Pemphis Physocalymma Pleurophora Rotala Tetrataxis Woodfordia
Подфамилија Punicoideae (Horan. 1834) S. A. Graham, Thorne & Reveal 1998 — (синоним: Punicaceae)
Punica
Подфамилија Sonneratioideae (Engl. & Gilg 1924) S. A. Graham, Thorne & Reveal 1998
Sonneratia
Подфамилија Duabangoideae (Takht. 1986) S. A. Graham, Thorne & Reveal 1998 — (синоним: Duabangaceae)
Duabanga
Подфамилија Trapoideae Voigt 1845 — (синоним: Trapaceae)
Trapa
Incertae sedis
†Shirleya Pigg & DeVore
Галерија
Наводи
Надворешни врски
Категорија:Флора на Европа Категорија:Флора на Македонија Категорија:Врболистови