Prunus prostrata е отпорна алпска грмушка која се наоѓа природно на надморска височина од околу 2000 м. па сè до 4000 м. во Шпанија, Франција, Алжир, Мароко, Тунис, Албанија, Хрватска, Грција, Македонија, Сардинија, Турција и Сирија.
Опис Полегнато грмушесто силно разгрането растение, до 50 цм високо. Младите гранчиња светлокафеави, со многу ситни расперени влакненца а старите гранчиња голи, сивкасто-кафеави, светликави. Листовите широко-елиптично-обратно-јајцевидни до долгнавесто-обратно- јајцевидни, 12-20 мм долги, 3-6 мм широки, одн. 1,5-2,5-пати подолги отколку широки. На горната страна темнозелени и голи, на долната страна густо влакнести и сиво-бели, на врвот заокруглени, во основата клиновидно стеснети, по работ со остро напилени запци. Лисната дршка 1-2 мм долга. Прилисниците триаглести, со силно издолжен и многу долг, скоро кончест, тенок врв, во основата околу 1/4 сраснати помеѓу себе, по работ со жлезди на долги дршки. Цветовите обично поединечни, со дршки долги 1-2 мм, и се појавуваат пред разлистувањето. Хипантиумот цилиндричен, обично гол, црвеникав, 4-5 мм долг; чашкините ливчиња околу 2 мм долги, тесно-елиптични, надворешната страна црвеникаво-зелена и гола, а внатрешната страна бело-волнеста. Венечните ливчиња розово-црвени, 6-7 мм долги, елиптични, на врвот плитко всечени, во основата клиновидни. Прашниците околу 20. Плодот скоро топчест, црвен, до 7 мм во пречник, со месеста обвивка, гол и мазен. Ендоспермот (костелката) со слабо изразени бразди.
Распространетост во Македонија Prunus prostrata расте по варовничките камењари во субалпскиот појас. Познат само за планината Галичица.
Употреба Плодот е јадлив, но не е омилен кај луѓето. Главната употреба на растението е во декоративно градинарство.
Палеоботанички докази Неодамнешна студија See the tables on pages 789 & 792. на полен и други микрофосили од примерок од јадро земен во долина на Сегура во јужна Шпанија го открива P. prostrata од „тип Prunus “ лоциран во две зони со радиојаглеродно датирање од околу 2630 година пред нашата ера до околу 1550 година пред нашата ера и повторно од околу 790 година пред нашата ера до денес. Екологијата на типот Prunus била „отворена борова шума на голема надморска височина“.
Наводи
Надворешни врски
Категорија:Растенија опишани во 1791 година Категорија:Флора на Сирија Категорија:Флора на Турција Категорија:Флора на Франција Категорија:Флора на Шпанија Категорија:Слива Категорија:Незагрозени видови според МСЗП Категорија:Флора на Македонија