Верн Едвин Грант (17 октомври 1917–29 мај 2007) ― американски ботаничар и писател.
Грант е роден како син на Едвин и Беси Грант на 17 октомври 1917 година, во Сан Франциско, Калифорнија. Тој се оженил со Алва Џорџија Деј во 1942 година. Тие имале 2 деца, Брајан Грант и Бренда Грант. По разводот во 1959 година, тој се оженил со Карен Сузан Алт и тие останале во брак до крајот на неговиот живот.
Во 1940 година дипломирал ботаника, а во 1949 година докторирал ботаника и генетика на Универзитетот во Калифорнија, Беркли. Тој бил професор по ботаника на Универзитетот во Тексас во Остин од 1970 до 1987 година.
Во неговата книга „Потеклото на адаптациите“ (1963 година) ги дискутира главните теми на модерната синтеза како што се генетско поместување, начините на видообразување, природната селекција и популациската генетика.Sapp, Jan. (2009). The New Foundations of Evolution: On the Tree of Life: On the Tree of Life. Oxford University Press. p. 110. Сепак, Грант не ги опишал овие механизми на еволуција како „неодарвинизам“ или синтетичка теорија, туку ги нарекол овие механизми „каузална теорија“ . Книгата ја доби наградата Фи Бета Капа“ за наука во 1964 година.
Систематскиот ботаничар Аскел Лове во рецензија за книгата напишал дека „Грант успеал да напише текст кој веројатно ќе влијае на размислувањето во оваа област во наредните децении, а исто така студентите ќе го сметаат за еден од најинформативните текстови на оваа тема некогаш напишани“.
Грант починал од Паркинсонова болест на 29 мај 2007 година, на 89-годишна возраст.
Дела
Потеклото на адаптациите (1963) Архитектурата на гермплазмата (1964) Спецификација на растенијата (1971) Генетика на цветни растенија (1975) Органска еволуција (1977) Еволутивниот процес: Критички осврт на еволутивната теорија (1985; 2-ро издание 1991)
Наводи
Категорија:Апсолвенти на Калифорнискиот универзитет (Беркли) Категорија:Починати во 2007 година Категорија:Родени во 1917 година Категорија:Американски ботаничари Категорија:Ботаничари со авторски кратенки Категорија:Статии со hCards