Фенери () — американска телевизиска серија, заснована врз стриповите на издавачката куќа DC Comics за двајца Зелени Фенери — Хал Џордан и Џон Стјуарт. Проектот е во производство на DC Studios и Warner Bros. Television и претставува трета серија во рамките на медиумската франшиза „Вселена на DC“. Според приказната, Џордан и Стјуарт истражуваат злосторство на Земјата. Главен продуцент на серијата е Крис Манди.
Кајл Чандлер го игра Хал Џордан, а Арон Пјер — Џон Стјуарт; во проектот исто така настапуваат и Кели Макдоналд и Нејтан Филион. До октомври 2019 г., Грег Берланти започнал со работа на серијата за Зелениот Фенер, а наскоро кон сценаристичката екипа се приклучиле и Сет Грејам-Смит и Марк Гугенхајм. Наместо Џордан и Стјуарт, првично било планирано дејството да се фокусира на други Зелени Фенери. Откако Џејмс Ган и Питер Сафран станале челници на DC Studios во октомври 2022 г., концептот бил преработен во приказна за Џордан и Стјуарт. Ова било објавено во јануари 2023 г., кога исто така станало познато дека проектот ќе се фокусира на детективска приказна вдахната од сериските остварувања Вистински детектив (од 2014) и Бавни коњи (од 2022). Во средината на 2024 г. се потврдило учеството на Манди (како и на извршните продуценти Том Кинг и Дејмон Линделоф), а телевизиската мрежа HBO ја нарачала серијата. Во октомври, DC го назначил Џејмс Хоуз за режисер на првите две епизоди и ги избрал Чандлер и Пјер за главните улоги. Снимањето се одвивало во Лос Анџелес од февруари до јули 2025 г.
Премиерата на серијата Фенери се одржала на HBO на 16 август 2026 г., со вкупно осум епизоди. Проектот станал дел од првото поглавје на „Вселената на DC“ под наслов „Богови и чудовишта“. Серијата била прикажана и во Македонија, на HBO Max, со македонски превод.
Содржина Зелените Фенери се меѓугалактички херои што носат прстени што им даваат несекојдневни моќи. Во центарот на дејството се искусниот Фенер Хал Џордан и новакот Џон Стјуарт, кои истражуваат убиство во Небраска. Како што напредува истрагата, пред нив се отвораат сѐ потемни тајни.
Улоги
| Кајл Чандлер || Хал Џордан |- | Арон Пјер || Џон Стјуарт |- | Кели Макдоналд || шериф Кери Кејн
Наводи
Надворешни врски Матична страница
Категорија:Програми на HBO Категорија:Телевизиски серии на Warner Bros. Television Категорија:Американски акциони телевизиски серии Категорија:Американски авантуристички телевизиски серии Категорија:Телевизиски серии на англиски јазик Категорија:Американски телевизиски серии Категорија:Американски детективски телевизиски серии