Петро Свѣтлик, Петро Михайлович Світлик, , Имстичово, жупа Берег, Мадярске кральовство – , Бѣлкы (Закарпатска область), УССР — вызнамный подкарпатскый педагог и културный дѣятель.Мадяр-Новак В. В.Марія Келемен, Наталія Ребрик
Штудии Походив з родины селянина Михайла Свѣтлика, котрый в роках 1901–1905 мусѣв быти на заробках в США, жебы годен утримовати родину. Петро Свѣтлик закончив 6-класну народну школу в Имстичовѣ (1914), Ужгородску горожанску школу (1920) и Ужгородску учительску семинарию (1925).Михайло Алмашій В часѣ штудий мав широкый круг интересох: история, землепис, краепис, музика; освоив языкы (идиш, мадярскый, нѣмецкый, словацкый, чешскый). Ещи в семинарии активно ся заинтересовав хоровым спѣвом и яко первый зоз семинаристох зачав дириговати хором на концертах (1923–1924).
Педагогична робота Петро Свѣтлик, як зазначив в автобиографии, идеалом про себе поважовав роботу учителя. Перве мѣсто учителя достав в Кушници (1925). Наступно учительовав во Великом Бычковѣ (1926–1928), Мукачовѣ (упражнительна школа при мукачовской учительской семинарии, 1928–1929), Новом Давыдковѣ (1929–1930). Всягды, де учительовав, организовав хоры, записовав русинскы спѣванкы, легенды, пословицѣ и приказкы, иншы етнографичны материалы, выступовав на основѣ зобраного в часописах Наш родный край, Подкарпатска Русь. В року 1930 Петро Свѣтлик достав атестацию квалификованого учителя горожанскых школ, склавши екзамены в Празѣ, а з 15 августа 1930 аж до пензии працовав в Бѣлковской школѣ.Гомоннай В. В. В роках 1945–1963 быв директором Бѣлковской середньой школы.
Музикант, етнограф, литератор Найвыразнѣйше зоставать в памяти як музикант: хормайстер, диригент, композитор и аранжер. Лишив по собѣ около 40 хоровых творох властного авторства, серед котрых выступуе и яко текстарь. Часть из них была записана и на грамофоновых плитах. В року 1937 з великым успѣхом выступовав з хором Бѣлковской горожанкы в Празѣ, а того року там вышла и книга чешскых, словацкых и подкарпаторускых легенд, з литературно-етнографичныма записками Петра Свѣтлика и Семена Петрашка. Выступовав тыж зо своима «записками» на темы историчны, етнографичны, фолклорны и з властныма литературныма творами. На жаль тота сторона его творчости недоста проштудована.
Жерела и одказы Михайло Алмашій: Світлик Петро //Алмашій, Михайло. Русинська педагогічна енциклопедія. — Ужгород: Карпатська Вежа, 2005. — 304 с. Гомоннай В. В. Петро Михайлович Світлик //: Антологія педагогічної думки Закарпаття (ХІХ-ХХ ст.) — Ужгород: «Закарпаття», 1992 Мадяр-Новак В. В.: Світлик Петро Михайлович //
Референции
Катеґорія:Педаґоґы Катеґорія:Композіторы і музиканты