Жанна Вячаславаўна Раманоўская (нар. , г. Полацк) — грамадская дзяячка беларускай дыяспары ў Латвіі, журналістка.
Біяграфія Нарадзілася ў 1969 годзе ў Полацку. Скончыла Ветрынскую сярэднюю школу, Даўгаўпілскі педагагічны ўніверсітэт. Працавала школьнай настаўніцай, цяпер журналістка ў СМІ Даўгаўпілса, рыхтавала матэрыялы для латвійскіх газет і радыё, тэлевізійныя сюжэты для Беларускага тэлебачання, рэдагавала газетную старонку на беларускай мове.
3 2009 года выдавец рэгіянальнага партала навін на рускай і латышскай мовах D-fakti.lv, з 2012 года — выдавец адзінага ў Прыбалтыцы дзіцячага часопіса на рускай мове «Приветик!». Акрэдытаваны латвійскі журналіст у Міністэрстве замежных спраў Рэспублікі Беларусь. Кіраўніца літаратурных праектаў «Даўгаўпілс: легенды старога горада», «Даўгаўпілсу з любоўю», «Горад, дзе ўсе — свае» і іншых.
Сябра Беларускага культурна-асветніцкага таварыства «Уздым», член праўлення. З яе ініцыятывы з 2015 года выдаецца газета «Уздым». Са студзеня 2018 па 2022 год старшыня таварыства.
З 2013 года кіраўніца Цэнтра беларускай культуры.
Крыніцы
Катэгорыя:Журналісты Латвіі Катэгорыя:Беларусы ў Даўгаўпілсе Катэгорыя:Грамадскія дзеячы Латвіі