Архіепіскап Стэфан (у свеце Стаян Веляноўскі, (); (нар. 1 мая 1955) — епіскуп Македонскай праваслаўнай царквы, з 10 кастрычніка 1999 года яе прадстаяцель з тытулам: «Благаслаўлёны Архіепіскап Ахрыдскі і Македонскі і мітрапаліт Скопскі».
Біяграфія Нарадзіўся 1 мая 1955 года ў сяле Дабрушава на поўдні Сацыялістычнай Рэспублікі Македонія ў патрыярхальнай праваслаўнай македонскай сям’і, будучы шостым дзіцем сваіх набожных бацькоў Тале і Стаянкі.
Скончыўшы асноўную школу, увосень 1969 года ён паступіў у македонскую праваслаўную семінарыю святога Клімента Ахрыдскага ў Драчове, якую ён паспяхова завяршыў у 1974 годзе. У тым жа годзе паступіў на багаслоўскі факультэт Бялградскага ўніверсітэта, які скончыў у 1979 годзе.
У тым жа годзе вярнуўся ў Македонію і рашэннем Сінода Македонскай праваслаўнай царквы прызначаны настаўнікам у праваслаўную семінарыю Клімента Ахрыдскага ў Драчове.
У 1980 годзе залічаны ў аспірантуру экуменічна-парыстычнага Інстытута святога Мікалая ў Бары, Італія, у якой спецыялізаваўся на патрыстыцы і візанталогіі, дзе ён атрымаў ступень магістра ў 1982 годзе.
Па вяртанні ў Югаславію, з 1982 па 1987 гады быў прафесарам па кафедры Старога Запавету і патралогіі на праваслаўным багаслоўскім факультэце Скопскага ўніверсітэта.
2 ліпеня 1986 года быў пастрыжаны ў манаства ў ахрыдскім манастыры Святога Навума, 3 ліпеня высьвечаны ў сан іерадыякана, а 6 ліпеня — у сан іераманаха.
12 ліпеня 1986 года хіратанісан на біскупа Злятоўска-Струміцкага з узвядзеннем у сан мітрапаліта. У горадзе Шціп адслужыў паніхіду па нацыянальнаму герою Тодару Аляксандраву.
У наступныя гады быў дэканам багаслоўскага факультэта Скопійскага ўніверсітэта, прэс-сакратаром Сінода Македонскай праваслаўнай царквы, галоўным рэдактарам царкоўнай газеты «Црковен Жывот» і галоўным сакратаром арцыбіскупа Ахрыдскага і Македонскага.
З 1987 па 1989 гады часова кіраваў Амерыканска-Канадскай епархіяй.
У 1989 годзе Злятоўска-Струміцкая епархія, якую ён узначальваў, была падзелена на Брэгалнішскую на чале з мітрапалітам Стэфанам і Струмішскую на чале з мітрапалітам Гораздам (Дзімітрыеўскім).
У 1990 годзе назначаны рэктарам праваслаўнай семінарыі ў Скоп’і.
На царкоўна-народным саборы, які адбыўся 9 кастрычніка 1999 г. у саборным храме Святой Сафіі ў Охрыдзе, быў абраны і 10 кастрычніка пасаджаны як пяты кіраўнік некананічнай Македонскай праваслаўнай царквы, і з тых часоў ён выконваў абавязкі арцыбіскупа Ахрыдскага і Македонскага.
Катэгорыя:Праваслаўныя архіепіскапы