Яніс Алксніс (; ) — латышскі архітэктар. Быў самавукам, атрымаў ліцэнзію будаўніка ў 1901 годзе. На працягу даволі кароткага перыяду часу, які супадае з хуткім эканамічным ростам у Рызе, ён быў вельмі актыўны. З 1901 года да пачатку Першай сусветнай вайны па яго праекце пабудавана больш за 130 шматпавярховых жылых і грамадскіх будынкаў у Рызе, большасць з іх у стылі мадэрн. Пладавітасцю ён саступае толькі іншаму рыжскаму архітэктару-латышу, Канстанцінсу Пэкшэнсу (250 будынкаў).
Біяграфія Пасля заканчэння мясцовай парафіяльнай школы ён пачаў працаваць у свайго дзядзькі Я. Браўнса, вядомага латвійскага будаўніка. Алксніс удзельнічаў у будаўніцтве некалькіх цэркваў і грамадскіх дамоў у Ліфляндыі.
У пачатку 1890-х гадоў Алксніс адправіўся ў Рыгу, дзе працаваў на будоўлі. Аднак у гэты перыяд ён пачаў праяўляць цікавасць да мастацтва і архітэктуры. Яго часта бачылі за замалёўкамі фасадаў будынкаў старога горада Рыгі. Яго заўважыў латвійскі інжынер-будаўнік Я. Круміньш, які вырашыў падтрымаць яго. Пры яго падтрымцы Алксніс адправіўся ў Германію, дзе вучыўся ў будаўнічай школе ў Кёнігсбергу.
У 1894 годзе Алксніс разам з інжынерам Я. Круміньшам адправіўся ў Сібір, дзе працаваў на будаўніцтве Транссібірскай чыгуначнай лініі вакол возера Байкал.
Яніс Алксніс вярнуўся ў Рыгу ў 1900 годзе.
У 1901 годзе ён паехаў у Пецярбург, каб здаць іспыт і атрымаць права на будаўніцтва. Будаўніча-тэхнічны камітэт Расіі разглядаў яго заяўку на працягу трох месяцаў, і ў выніку ён атрымаў ліцэнзію і дазвол на вядзенне будаўнічых і дарожных работ на тэрыторыі Расійскай Імперыі. Гэта давала права праектаваць будынкі і кантраляваць будаўнічыя працы, аднак яму не дазвалялася называць сябе архітэктарам ці інжынерам-будаўніком.
Пасля гэтага ён адкрыў сваю будаўнічую фірму ў Рызе. Пасля Першай сусветнай вайны Яніс, у адрозненне ад большасці сваіх калег, не займаўся архітэктурай актыўна. Памёр 9 студзеня 1939 года ў Рызе. Пахаваны на Рыжскіх лясных могілках.
Крыніцы
Катэгорыя:Архітэктары Латвіі