Francisco Fumaça de Mascarenhas da Costa Pessoa, coñecido como Francisco Mascarenhas ou simplemente Masca, nado en Cascais o 15 de maio de 2000, é un futbolista portugués que xoga como dianteiro no Eldense, da Segunda División.
Traxectoria Nacido en Cascais, formouse nas canteiras de varios clubs portugueses como o Estoril Praia, o GDS Cascais, o Belenenses e o Portimonense.
En agosto de 2022 trasladouse a Asturias, onde ingresou no Real Oviedo-Vetusta, da Segunda Federación. O 26 de febreiro de 2023 debutou co primeiro equipo do Real Oviedo na Segunda División, substituíndo a Sergi Enrich na segunda metade dun empate 1-1 ante o Albacete. Subiu definitivamente ao primeiro conxunto na tempada 2023/24, na que disputou un total de 39 encontros, anotando 7 goles.
Sen apenas protagonismo na primeira metade da seguinte campaña, o 2 de xaneiro de 2025 fichou polo Eldense, da mesma categoría.
Notas
Categoría:Nados en 2000 Categoría:Nados no distrito de Lisboa Categoría:Futbolistas de Portugal Categoría:Dianteiros de fútbol Categoría:Xogadores do Real Oviedo B Categoría:Xogadores do Real Oviedo Categoría:Xogadores do CD Eldense